Ano-ano ang mga hamon na kinaharap ng Pamahalaang Cory Aquino?

Nbsp;    Naharap ang bansang Pilipinas sa maraming problema noong panahon ni Cory. Isa dito ang kahirapan at pagbagsak ng ekonomiya; problema sa mga rebeldeng grupo at sundalo; iba’t ibang mga natural na kalamidad; at ang kakulang sa enerhiya.

     Nagkaroon ng malakaing banta sa katatagan ng pamahalaan at seguridad sa bansa ang sunod sunod na mga tangkang “coup d’ etat” o kudeta mula 1986 hanggang 1989. Pinakamalala ang naganap noong mga unang bahagi ng Disyembre taong 1989. Nanguna rito ang mga miyembro ng RAM at mga pwersang nananatiling tapat kay Marcos. Pinaligiran nila ang ilang kampo militar sa Metro Manila pati na rin sa Cavite at Cebu. Halos 100 ang mga namatay at mahigit 500 ang nasugatan sa mahigit isang linggong labanan. Ang katiwalian sa pamahalaan, maluwag na pagtatrato sa mga rebeldeng komunista, at kabiguan ng pamahalaan na magbigay ng serbisyo ang dahilan ng pagtatangkang pabagsakin ang pamahalaan ayon sa imbestigasyon. 

     Nabigo man na pabagsakin ang pamahalaang Cory ay nagbigay naman ito ng pangamba sa mga mamamayan. Hindi masyadong naging matatag ang ekonomiya dahil natakot din ang mga dayuhang turista at mamumuhunan sa pangambang pangkalusugan. 

     Lumalo pa ang problemang pang-ekonomiya dahil sa kakulangan ng enerhiya sa huling bahagi ng panunungkulan ni Cory. Nag-iwan ang rehime ng Marcos ng matinding problema sa ekonomiya, partikular ang malaking utang ng pamahalaan at kahirapan ng mga magsasaka.

     Hinarap ni Cory ang mga natural na kalamidad sa bansa gaya na lang ng lindol noong 1990 at El Nino. Gayun din ang pagsabog ng Mt. Pinatubo noong 1991 na nagdulot ng matinding epekto sa kabuhayan, kapaligiran at ekonomiya ng buong bansa.