Ano Kaantasasn Pang-uri? Lantay,Panghahambing,Patulad,Pasahol o Palamang,Pasukdol

Ang pang-uri ay mga salitang nagsasaad ng katangian o uri ng tao, hayop, bagay, lugar o pangyayari.

Mga iba't ibang kaantasasn na pang-uri:

1. Lantay- Naglalarawan ng isa lamang na pangngalan o panghalip.

Halimbawa: Ito ay gawain ng mapagsamantalang tao.
                  Maganda ang hangarin ng pangulo sa kanyang sinasakupan.

2. Paghahambing- Naghahambing ng katangian ng dalawang pangangalan o panghalip. Ito ay may dalawang uri.

a. Patulad- Paghahamabing ng dalawang magkatulad na katangian. Ipinakilala ito ng mga panlaping "sing-, kasing-, magsing-, ka-, ga-, magkasing-, at mga salitang pareho, kapwa".

Halimbawa: Ang mga anak ko ay magkasingtangkad lang.
                  Kapwa mabait ang alaga kong aso.

b. Pasahol o palamang- Paghahambing ng dalawang katangian na ang isa ay nakahihigit o nkakalamang sa isa. Ginagamitan ito ng mga salitang "higit, di gaano, lalo mas, at tulad".

Halimbawa: Ang luto ni inay ay di gaano kasarap ngayon kaysa sa kahapon.
                  Higit na matalino ang mga batang masipag kompara sa mga batang tamad.

3. Pasukdol- Namumukod o nangingibaw sa lahat ng pinaghahambingan. 
Gumagamit ito ng mga panlaping "pinaka-/napaka-, o panlaping pagkasa-sabay ng pag-uulit ng salitang ugat". Ginagamitan din ito ng mga salitang "ubod, hari, sakdal".

Halimbawa: Siya ang pinakamasunuring bata ang nakilala ko sa aming baranggay.
                  Ubod ng yabang ang bago naming kaklase.