Ano pinagkaiba ng Type 1 at Type 2 diabetes?

Karaniwan ang pagkakaroon ng diabetes, lalo na sa mga pinoy, kaya’t mahalagang malaman kung meron ka bang diabetes o wala. Pero paano mo naman malalaman kung may diabetes ka, kung hindi mo nga alam kung ano pinagkaiba ng type 1 at type 2 diabetes? Importante itong malaman dahil iba ang sanhi ng bawat isa, kaya’t iba rin ang gamot o lunas nilang dalawa.

Ang pangunahing pagkakaiba ng type 1 at type 2 diabetes ay ito: Ang type 1 diabetes ay minana sa magulang o ninuno, habang ang type 2 diabetes naman ay karaniwang nakukuha sa mga maling nakasanayan tulad ng madalas na pagkain ng mataas sa sugar at calories, hindi pagkontrol ng timbang at kulang sa pag-ehersisyo. Kapag meron kang type 1 diabetes, inaatake ng iyong katawan ang mga cells na gumagawa ng insulin. Trabaho kasi ng insulin na iimbak ang blood sugar para magamit sa oras na kelangan. Sa type 2 diabetes naman, merong insulin ang katawan, ngunit hindi tumutugon ang insulin, kaya’t tumataas ang blood sugar ng katawan.
 
Karamihan ng sintomas ng type 1 at type 2 diabetes ay parehas, at ang mga signs na ito ay:
-       Madalas na maihi
-       Mas mabilis mauhaw
-       Mabilis mapagod o panghihina
-       Panlalabo ng mata