Ano Swerteng kulay at pwesto ng PINTUAN ng bahay o tahanan ayon sa Feng Shui o Fungsoy Pinto?

Ang pagpasok ng magandang enerhiya sa pintuan ay parang kumakain ng mga masustansiyang pagkain.

Mararanasan ng mga nakatira ang kapayapaan at positibong enerhiya sa loob ng bahay, dahil ang front door ang una mong nakikita paglabas at pagpasok ng bahay. Kung kaya’t nakaka-apekto ito sa kaisipan at kalooban mo sa pagumpisa ng araw at sa paguwi ng bahay.
 
Ang main door ay kilala rin bilang “Mouth of Chi”. Ayon sa Fungsoy mahalaga ang main door kung saan ito nakatapat at kung ano ang kulay nito. Sa main door pumapasok ang enerhiya papunta sa loob ng bahay, kaya magiging maswerte ang bahay kung nasa tamang pagkakaayos ang pintuan. Kinakailangang matibay ang pinto upang ligtas at protektado. Mas maswerteng pintuan ang yari sa kahoy kaysa sa salamin. Maswerteng pwesto ng pangunahing pintuan ay maluwag ang espasyo ng labas at loob nito.
- Kailangan na mas malaki ang sukat ng pangunahing pintuan sa ibang pintuan sa bahay. May mga bahay na mas malaki pa ang pintuan ng kwarto kaysa sa front door. Ayon sa fungsoy, maaaring magkaroon ng problema sa relasyon sa minamahal, at sa emosyon.
- Ayon sa fungsoy mainam na may ilaw sa labas ng pinto, dahil nagsisilbi itong ilaw ng enerhiyang papasok sa bahay. Maswerte din kung ang nasa loob ng pintuan ay hallway at garden naman ang nasa labas. Mainam din na may chandelier ang hallway at nakaharap sa may main door.
- Ayon sa fungsoy, kinakailangang papasok ang bukasan ng pinto at hindi palabas upang ang swerte ay hindi makalabas ng bahay. Iwasang maglagay ng maraming gamit sa main door, mas mainam na maglagay dito ng mga bagay na pampaswerte. Kailangan din na nasa labas ng pintuan ang basahan at iwasang maglagay ng iyong pangalan dito.
- Maswerteng kulay ng pintuan kapag nakaharap sa silangan ay kulay green at brown, kapag nasa timog naman ay pula, habang puti naman sa kanluran, at para sa Hilaga ay itim at asul.
 
Naniniwala man sa pamahiin o hindi, lahat tayo ay nagnanais na maging maswerte sa ating buhay. May mga naniniwala, na kailangan naaayon sa FENG SHUI, o FUNGSOY sa mga pinoy, ang pwesto ng kagamitan upang maging maswerte. Sabi nga nila, wala naman mawawala kung sumunod sa fungsoy.