Bakit Babaeng Lamok lang pumapasa ng Dengue?

Linggid sa kaalaman ng marami, nakukuha ng mga lamok ang Dengue mula rin sa tao. Pag nakakagat ang lamok ng taong may Dengue, pinapasa nila ito sa ibang taong kinagat nila. Di kasi direktang napapasa ng isang tao ang Dengue sa ibang tao.

Di nangangagat ang mga lalakeng lamok. Ang mga babaeng lamok lang ang nangangat dahil kelangan nila sumipsip ng dugo para sa pangingitlog. Kaya’t mga babaeng lamok lang ang nagpapasa ng Dengue mula sa isang taong may Dengue papunta sa isang taong walang sakit na Dengue.
 
Isang tao lang ba ang napapasahan ng isang lamok ng Dengue? Hindi. Simula magkaroon ang isang lamok ng Dengue, habang buhay na niya ito dala-dala, kaya’t mahahawaan niya lahat ng taong nakagat niya.
 
Kumakalat ang Dengue virus sa katawan ng lamok at pagkaraan ng mga 1 linggo pagkatapos nakakakagat ang lamok ng taong may Dengue, pwede na niya ito mapasa sa ibang tao tuwing mangangagat siya.
 
Ngunit di naman lahat ng klaseng lamok ang nakakapasa ng Dengue. Iilang klase lang nakakapasa, lalo na ang uring Aedes aegypti. Itong klaseng lamok na ito ay mahilig makitira sa mga tao, kaya’t buong buhay na nila sila nakikitira sa bahay ng tao at doon narin nangingitlog o nagkakaanak.
 
Kadalasang lumalabas ang sintomas ng Dengue pagkaraan ng mga 4-10 araw pagkatapos makagat ng lamok. Kasama sa mga senyales ang pagsusuka, pantal pantal, pananakit ng kasukasuan at pananakit ng mata.
 
References/ Sources:
Centers for Disease Control and Prevention. (2020). Mosquitoes. Retrieved from https://www.cdc.gov/mosquitoes/about/what-is-a-mosquito.html
World Health Organization. Dengue: Guidelines for Diagnosis, Treatment, Prevention and Control. Geneva: World Health Organization and the Special Programme for Research and Training in Tropical Diseases, 2009.