Bakit po kaya brown lang na dugo ang lumalabas sa regla ko?

Marami pong mga bagay at kondisyon ang maaaring makaapekto sa kulay, dami at lakas ng regla. Kung kayo ay kulang sa iron sa katawan, maaari po itong humina o umikli and dami ng araw dahil sinusubukan ng katawan na kumbaga ay tipirin ang dugo. Kaya po mahina ang regla ng mga pasyenteng anemic. Ang stress ay maaaring makaapekto rin po sa regla.
Sa inyong kaso na kulay brown ang regla, maaari pa rin itong maging expected dahil nagiging brown po ang kulay ng dugo kapag matagal na naeexpose. Ang mahalaga po ay hindi po ito mabaho o may ibang lumalabas na parang nana sa inyong ari.
Obserbahan niyo po ang mga susunod ninyong regla, kung ganito pa rin po at kayo ay nababahala, maaari po kayong magpatingin sa OBGYN para makasigurado.