Bakit wag sagarin pagkain ng hotdog? Bakit masama ang processed food?

Mahilig tayo sa hotdog, dahil masarap at malambot kainin. Di lang yan, mura at madali itong ihain. Pero ang hotdog, tulad ng ibang processed foods ay may epekto sa kalusugan. Ano nga ba mga masamang naidudulot nito sa kalusugan?

Nakakasama sa kalusugan ang mga processed foods, dahil dinadamihan ng mga manufacturers ang paglagay ng asukal, asin, taba, at ibang pampalasa, para mas masarapan ang kumakain, para hanap-hanapin ng tao. Pwera dyan, kulang din sa bitamina at sustansya ang mga processed foods. Isa pa, nakakataba rin ang mga ito.
 
Kapag napasobra ng asukal, asin, taba at ibang pampalasa, sa katagalan, maaaring makasanhi ito ng sakit sa puso, mataas na blood pressure o high blood, diabetes at iba pang mga sakit.  Kahit pa sa mga bata ay may masamang epekto ang processed foods, lalo na kung halos araw-araw nila ito inuulam, at madadala rin nila ang epekto nito hanggang sa pagtanda nila.
 
Mahalaga rin na liwanagin natin kung ano ibig sabihin ng processed food. Ang paggiling ng karne ay hindi nakakasama sa kalusugan. Ngunit kapag hinaluan ang giniling ng mga chemical tulad ng pampaalsa, food coloring, pampalasa o artificial flavors, hindi ito masustansya.
Iilang halimbawa ng mga processed foods na may halong kemikal ay ang: Ham, hotdogs, pizza, cakes, ice cream, instant noodles, nuggets at softdrinks.