Ang Crispy Pata ay mas kilala bilang mga iprinitong paa ng baboy. Ang pata ay nangangahulugang paa sa salitang Espanyol. Ito na marahil ang pinaka popular na Recipe ng mga Pinoy. Ang Crispy Pata ay madaling kainin at kahit na ito ay nakakasama dahil sa mataas na lebel ng kolesterol na nilalaman, ang toyo, suka at sibuyas ay nag eengganyo sa mga kumakain na hanap-hanapin ang putaheng ito.
Kung gusto mong matuto kung paano magluto ng Crispy Pata sa iyong sariling bahay, narito ang isang simpleng recipe:
Mga Sangkap
1 buong pata ng baboy (nilinis, at tangalin ang mga daliri ng paa sa pata)
Tubig na sapat para matabunan ang pata
1 buong hiniwang sibuyas
2 kutsara ng puting pepper corn
5 pirasong bawang na dinurog
5 bay leaves
5 Star anise
4 na kutsara ng asin
1 kutsara ng itim na paminta
Kalahating tasa ng puting suka
¼ na tasa ng harina
Mantika para sa malalimang pagprito (hindi bababa sa 2 hanggang 4 na litro ng mantika)
2 kutsara ng baking soda
Parsley para sa iyong pang garnish
Para sa iyong Sawsawan:
Kalahating tasa ng toyo
1 tasa ng sukang puti
2 kutsara ng asukal na pula
2 kutsara ng hiniwang maliliit na bawang
2 kutsara ng shallot
Tubig para maayos ang lasa
Mga kakailanganing kagamitan
Kutsilyo at kahoy na tapalan
Mga kutsara
Mangkok at maliliit na plato
Stove
Dalawang malalaking kaserola – isa para pakuluan ang pata at isa para sa pag malalimang pagprito
Tray na may wire rack
Pang butas ng laman
Hair Dryer
Tongs
Pang sala
Paraan ng pagluto
- Ilagay ang isang buong pata sa loob ng kaserola at lagyan ng tubig na sapat para matakpan ang buong pata.
- Magdagdag ng isang buong sibuyas na hiniwa hiwa, 2 kutsara ng itim na pepper corn, limang cloves ng bawang na dinurog, limang bay leaves, limang star anise at 2 kutsara ng asin sa loob ng kaserola
- Hintayin at lutuin hanggang sa kumulo at hayaang maluto ito sa loob ng isang oras at labinlimang minute.
- Dagdagan ng dalawang kutsara ng baking soda at pakuluan ulit sa loob ng 15 minuto.
- Tanggaling ang paa ng baboy mula sa tubig, at patuyuin sa isang paper towel.
- Hayaang matuyo ito sa loob ng isang gabi sa loob ng ref nang hindi natatakpan o kaya naman ay sa harap ng isang umaandar na bentilador sa loob ng ilang oras.
- Sa isang bowl, ihalo ang lahat ng mga sangkap para sa sawsawan (Kalahating tasa ng toyo, 1 tasa ng sukang puti, 2 kutsara ng asukal na pula, 2 kutsara ng hiniwang maliliit na bawang, 2 kutsara ng shallot at Tubig para maayos ang lasa) at itabi.
- Iprito ng malaliman sa isang kaserola ang paa ng baboy hanngang sa maging malutong sa lahat ng bahagi.
- Kapag natitiyak mo nang naluto ng mabuti ang pata, tanggalin ito sa tray, tanggalin ang mantika at ilagay sa wire rack.
- Lagyan ng parseley at i serve na may kasamang sawsawan habang mainit-init pa.
Ang Crispy Pata ay naging regular na naging bahagi ng mga selebrasyon sa kulturang Pinoy. Hindi man ito ang pinakamasustansyang ulam, ito naman ang pinakapaboritong ulam ng bawat Pilipino, bata man o matanda.