Child Custody

Ang pamangkin ko po ay may kinasama at nagkaroon ng anak, na ngayon ay magwawalong taong gulang na sa Disyembre, ang babae po ay nagtatrabaho sa Japan bilang entertainer, at may nakilalang hapon at nagpakasal. Nais po ngayon nung babae na kunin ang bata mula sa poder ng pamangkin ko at dalhin sa Japan, kaya lang ang bata po ay ayaw sumama sa babae, at nais din ilaban ng magulang ng lalaki ang custody sa bata kasi mula nung baby pa ang bata sila na ang nag-alaga dito, at sa mga panahon na walang binibigay na sustento ang ina, ang mga magulang ang nagpupuno sa pangangailangan ng bata. Ang pamangkin kong lalaki nga pala ay walang regular na trabaho, performing artist lang at sa ngayon ay may 2 buwang kontrata sa Hongkong. Ang tanong ko po, kapag inilaban nila ito sa korte, kanino po kaya mabibigay ang custody sa bata, ang ina na halos hindi maalagaan ang anak kaht andito na sa Pilipinas o ang ama na walang regular na hanapbuhay ngunit mas pinipiling makasama ng bata? Salamat po.