Forced Eviction of Tenant in An Agricultural Land

Nais ko lamang pong idulog ang kinakaharap ng aming pamilya tungkol sa lupang sinasaka ng aking Ama. Ang akin pong lolo ay tennant ng isang malawak na lupain. May ipinamana siyang 1 ektaryang lupa sa isa niyang anak (Tita ko po). Dahil sa hindi inaasahang pangyayari, ninais ng Tita ko na umalis at ibenta ang karapatan niya bilang tennant. Dahil ayaw ng lolo ko mapunta sa iba ay ibinenta nila ang karapatan na un sa aking Ama. Nakaharap din po ng aking Ama ang tunay na may ari ng lupa at maluwag sa kaloobang tinanggap ang aking Ama bilang tennant. Sa loob po ng mahigit 25 na taon ay nagbubuwis kame sa may ari ng lupa ng napag-usapang halaga pagkatapos ng anihan. Patay na po ngayon yung may ari ng lupa pero yung buwis po na binibigay namen ay iniaabot sa katiwala ng anak ng namatay na may ari ng lupa. Wala pong mintis ang aming pagbubuwis. At mula nung sa katiwala nalang kame nagbibigay ay nagpapapirma na rin po kame ng papel na natanggap nila ang aming buwis. Nakasulat din po ang pangalan ng aking AMA sa NIA na siya ang nagbabayad ng para sa irigasyon. Sa tingin ko po un lang ang papel na nagpapatunay na kame ang tennant. Bukod po sa nakausap ng aking ama ang orihinal na may ari na yumao na. Ngayon po, yung Apo po ng orihinal na may ari ng lupa ay ninanais nang ibenta ang lupa at kami ay pinapaalis. Nais ko lang po malaman ano ang mga karapatan namen. Namapahal na po sa amin ang lupa at ayaw nameng umalis. May kaunti po kaming ipon at nagbabakasakaling mabili namen ang lupa pero ayaw nilang sabihin ang presyo ng lupa. Hindi po namen alam kung ipinamana na sakanya nung anak ng orihinal na may ari ang lupa kaya malakas po ang loob niyang paalisin kame. Sana po ay matulungan niyo kame. Maraming salamat po. -Jess