Paano po ang proseso ng pag aampon sa pamangkin? Adoption process in Philippines (I'm in Singapore now)

Joy Agape
is a Civil Engineer in Singapore

Hello po. Paano po ang proseso ng pag aampon sa pamangkin? Nandito po ako sa SG pero sa Pinas lang sya lalaki kasama ang mama ko. Ano po kailangan ko gawin sa paperworks?




Translation: How do I process adoption of my nephew? I'm here now in Singapore, but my nephew is in the Philippines with my mother. What do I need to do?


 

Reply as anonymous (Your real name and picture will not be seen)
Adelaimar C Arias-Jose
is a Legal expert in the Philippines
Naku, Joy, medyo matagal at mahaba ang proceso ng pag-aampon kahit na pamangkin mo. Ikaw ba ay single? married? Ikaw ba ay may mga anak mong sarili? Lahat nitong mga tanong na ito ay kailangang sagutin sapagkat ang mga requirements ay iba't-iba depende sa katatayuan noong mag-aampon, noong aampunin at noong mga magulang noong batang aampunin.

First, iyon bang pamangkin mo ay menor de edad pa? Kasi, pag 18 na, hindi na puede. Second, kailangang maghain kayo ng petisyon sa husgado. Kailangan kang humarap na personal. Third, kailangang ang dalawang magulang ng bata (iyong ama at ina sa dugo, natural parents) ay may consent doon sa adoption. Fourth, kung ang bata ay medyo may isip na (9-12 years old) tatanungin din siya kung payag siya at kung bakit. Fifth, kailangan pa ng DSWD mag home visit, kailangang ma-obserbahan ang bata, ang tahanan nila, ang tahanan mo. At kailangang gumawa ng report ang DSWD dito. Yung ding counterpart ng DSWD sa bansang tinitirahan mo ay kailangan din gumawa ng report tungkol sa iyo, sa kalalagayan mong pinansiyal, sa kalusugan ninyo, kung sapat ang espasyo sa inyong tahanan para sa isang sanggol o bata o teenager.

Kung dadalhin mo ang bata sa ibang bansa upang doon manirahan, kailangang may clearance din mula sa child services noong bansa. Kasi ngayong panahon, mahigpit na dahil sa maraming mga tao ang nagpapanggap na mag-aampon ng pamangkin tapos TNT sa ibang bansa or di kaya'y human trafficking (sex slaves ang mga bata ng mga paedophiles). Kung ikaw ay may asawa at ang iyong asawa ay hindi Pilipino, kailangan ding may consent siya kasi, sa inyo titira. Maraming mga katanungan at kakailanganin mo ng abogado sa Pilipinas at coordinator sa bansang kinaroroonan mo sa ngayon.

Bawat kaso ng adoption ay unique. Maraming mga kumplikasyong maaaring lumabas kung kaya't mga basic lamang na requirements ang nailahad dito. Consult a family lawyer para mapanatag ka.
Joy Agape
is a Civil Engineer in Singapore
Hi Atty Bimbi,

thank you po sa reply. Pasensya na din po medyo matagal ung reply ko. 26 years old po ako at single. ung baby naman po is turning 1 yr old this month. actually inabandoned na po talaga sya ng nanay nya since hindi ito anak ng asawa nya. naawa lang po ako sa pamangkin ko kaya i decided na ako nalang magpalaki pro ndi po alam ng kapatid ko since nasa malayo sya na lugar. naisip ko nga po ilate registered nalang ang baby at palabasin na anak ko nalang tlga sa pagka dalaga para mas mapabilis ang proseso but I think it's not what God intended me to do kasi pagsisinungaling po yun. Please help me po saan ako dapat mag umpisa. At pde po ba walang consent ng biological parents ang adoption ko since ayoko sana muna ipaalam sa ate ko na nasa akin ang bata at hindi namin alam sino tatay. Nais ko na din po umuwi sa pinas for good sa 2015 para maalagaan ko ang bata. At may idea po ba kayo magkano aabutin ng paperworks sa legal adoption at kung gaano katagal? salamat po ng marami atty. God bless and more power. Happy new year po.
Adelaimar C Arias-Jose
is a Legal expert in the Philippines
Yung sinabi mo na ipa-late registration, iyan ang ginagawa ng maraming mga tao. Ang problema nga lang ay falsification ito ng isang public document -- so it is a crime. I would advise against it kasi, in the end mas maraming problemang dulot ang ganitong gawain.

Puede naman na ipa-declare mo na muna na abandoned na iyong bata. Kaso, dapat sigurado ka na mayroon kang proof na yung bata ay talagang hindi na inaaruga noong magulang. Yun namang isang parent ay unknown kasi ang sabi mo, hindi ito anak noong kapatid mo? Puede iyon kaso nga lang, kailangan pa rin ng kaso sa husgado. Kailangan din ng report ng DSWD sa katunayan na abandoned na nga at neglected ng biological parents iyong bata. Ang problema lang dito ay ang mga epekto nung declaration na iyong bata ay abandoned na ng kanyang biological parents.

Anytime kasi na gusto kang perahan ng ama o ina nung bata ay madali ka lang gipitin sa pamamagitan ng pagsulpot at pagsasabing ninakaw mo ang bata o nilinlang mo sila at ang husgado. Mahirap naman iyon dahil sa ikaw na nga ang nagmamagandang loob, ikaw pa ang mag mumukhang masama.

The best thing to do ay ang maghanap ka ng abogadong ang specialization ay adoption and family law. Kung malalaman ng abogado ang lahat ng mga relevant na mga facts sa kalalagayan at katatayuan mo at noong bata, mas mabibigyan ka noong abogado ng konkretong mga sagot sa iyong katanungan.

By the way, sino ang nagpapalaki sa bata ngayon? Kasi, kung ikaw ang magpapalaki sa bata, hindi mo rin kaagad madadala sa Singapore iyon. Mahihirapan ka din kung kasama mo doon ang bata na ganoon ang edad kasi, tututukan mo ang pag-aalaga sa bata. So, baka mahirapan ka ring papaniwalain ang husgado na ikaw ang the best na puedeng tumayong magulang nitong batang ito. Iyong kasi ang kailangan. You need to prove that you are fit to be a parent to this abandoned child.

So bale dalawa ang attack mo: sa isang banda, kailangan mong i-prove na hindi fit na parents iyong bilogical parents noong bata; at sa kabilang banda, kailangan mong i-prove na ikaw ang fit parent. Kasi, kung hindi rin ikaw ang nag-aalaga sa bata, baka hindi din sa iyo ibigay ang custody at parental authority sa bata.

Ang isa pa ay single ka. Medyo conservative ang ating mga husgado at ang nais nila ay mas mabuti ang kalalagyan noong bata sa mag-a-adopt (kahit na kamag-anak pa) kaysa doon sa kinalalagyan noong bata sa ngayon (sa piling noong neglectful na mga magulang) o doon sa taong aktuwal na nangangalaga sa bata (iyong taong may loco parentis -- the person who is actually parenting the child where he is, or iyong taong araw-araw na talagang nag-aalaga sa bata).

Ang isa pang considerasyon ay, kung makahanap ka ng lalaking iibig sa iyo at iibigin mo rin, baka maging issue sa inyo ang pagkaka-ampon mo sa iyong pamangkin. So, kailangan mo ding isipin iyon.

Masyadong mahaba at masalimuot ang usaping ito para sa isang website. You need a good family lawyer to help you, although I hope that my answers will give you some idea at least. Good luck and Happy New Year!
Joy Agape
is a Civil Engineer in Singapore
Thank you so much po. Atleast now I had an idea ano po dapat ko iconsider. Maraming salamat po. Pagpalain kayo ng Diyos.
Mhia Yusi
is in Singapore
anu anu po ba atty yung mga magiging problema once po na pina late registered namin yung bata bukod po dun sa falsification of public docs? thanks po.

About the author

Adelaimar C Arias-Jose

I am a graduate of the UP College of Law. Member of the Integrated Bar of the Philippines since 1995. I am currently involved in private practice in criminal, civil and labor law.
Profession: Lawyer
Adelaimar C. Arias-Jose
Office Address: #34 St. Michael Street
Philippines , Manila , Makati
The medical information contained in this section is not intended for treatment or prescription. It is used to complement, not replace, the communication between a patient and their physician. Reliance on any information provided by BuhayOFW or any medical experts is solely at your own risk. If you have a medical emergency, call your doctor or go to the hospital immediately. BuhayOFW's Medical Review Board is a team of board-certified doctors who ensure our content is medically accurate and reflects the latest in health information. Our experienced board of medical professionals verify that our content is thorough and all-inclusive, in order that you can trust the information you read here will help you through improvements in your health journey—whether that’s for yourself or for a loved one.

Disclaimer: The materials available in the Buhay OFW web site are for informational purposes and not for the purpose of providing legal advice. You should contact your attorney to obtain advice with respect to any particular issue or problem. Use of and access to this Web site or any of the e-mail links contained within the site do not create an attorney-client relationship between Buhay OFW and the user or browser.

If you are a legal expert who would like to help answer questions, please register here.