Hingi sana ako nang advise sa inyo. Married po ako with 1 son, pero inabandona po kami nang asawa ko nong 3 years old pa ang anak ko kaya ako nalang mag-isa nagpalaki sa anak ko sa sarili naming bahay mag-asawa. Bali nong una na wala pa kaming anak pag may di kami pagkakaunawaan umaalis siya nang bahay. Kaya ginagawa niyang panakot sa akin na aalis siya kung patuloy pa akong makikipag argue sa kanya. Kaya nasanay ako na di nalang kikibo, kaya lahat nang gawaing pang babae ako ang gumagawa para di na siya lumayas pa. Hanggang sa mag kaanak kami, lalo lumaki ang problema ko kasi ginagawa na niyang panakot na lalayasan niya kaming mag ama. Hanggang sa dumating ang araw na di ko na matiis na pinapabayaan niya ang anak namin, kaya pumalag na ako at nag alsabalutan siya at di ko na siya hinanap pang muli. Sabi pa niya baka may iba na raw ako kaya din na ako natatakot sa kanya makipag away.
Sa ngayon po 8 years old na po ang anak ko Grade 3 na po. Ang mga katanungan ko po ay ganito;
1. Ang bahay at lupa na nabili ko nong mag asawa kami at ang bahay na pinagawa naming dalawa, hindi ko na po pinaayos nagbanta po kasi siya minsan nang tumawag siya sa opisina na kahit anu raw gawin ko sa kanya parin daw ang bahay kasi may karapatan siya dahil asawa ko siya at kasal kami, siya parin daw ang panalo dahil babae siya at marami siyang karapatan. Tama po ba yon? Kaya di ko na po inimprove pa kasi baka bigla siyang bumalik at baka ibenta niya sayang naman ang gastos ko. Anytime daw pwede siya bumalik at kukuha nang mga gamit na meron ako?
2. Tama din po ba na dahil asawa ko siya anytime pwede siyang pumasok o bumalik sa bahay naming na parang walang nangyari?
3. Sabi nang mga kaibigan niya at nang anak ko nang dalawang beses pinuntahan siya sa school iba iba daw ang bf nang Mama niya. Di ko po pinagbabawal ang anak ko na magkita sila kasi karapatan niya daw yon. Di rin ako takot na di niya ibalik kasi alam ko ibabalik niya parin kasi di niya kaya mag alaga nang bata, naaaburido agad kasi siya. Tama ba na magkulong nalang ako na di dapat makipagrelasyon? Minsan mahirap na kami lang nang anak ko sa bahay wala akong mapag kwentuhan nang sakit. May mga kaibigan akong babae na nagkakagusto at naaawa na sa akin pero iniiwasan ko sila dahil takot akong madamay sila. Tama ba to ginagawa ko? Wala ba talagang karapatan ang lalaki na abandonado sa awasa na magmahal uli?
4. 2 years na akong solo parent member kasi late ko na nalaman na may ganun. Pero sa barangay namin aware sila na matagal na akong solo parent. Anu po ba ang gagawin ko para di na ako ma blackmail nang dati kong asawa at maiwasan ko ang pananakot niya sa akin?
5. Sa ngayon po takot akong bumili nang property gaya nang subdivision kasi baka maging pagmamay ari din niya ito. Totoo ba to? Lahat nang property na maacquire ko kahit inabandona na niya ako, may karapatan parin siyang mag may ari? O may karapatan parin siyang angkinin to, papasok at makikialam.
6. Sa ngayon po papalit palit siya nang leave in partner, ano po ang dapat kong gawin? Sabi po niya karapatan niya daw po sumama o tumira sa mga taong gusto niyang makasama.?
Sa sitwasyon ko pong ito mahirap lang po ako, at saka gusto ko rin pong lumigaya man lang at tumanda na may kasama. Kahit ang anak ko nga naaawa na sa akin na hanapan ko daw siya nang mabuting mama at gusto daw niyang may kasama na kami sa bahay. Pero ang annulment ay napakamahal di ko rin alam kung magiging successful. Naiinggit ako sa ibang tao na hiwalay at ngayon may sari sariling pamilya na sila pero di nila pinakikialaman ang isat isa di tulad nang ex wife ko parang balak pa na perahan ako.
Pls.. tulungan niyo po ako..
Leomark