Hiwalay Sa Written Agreement Lang

Hello, tama ba ang intindi ko sa kuwento mo? May pinsan ka na nasa Saudi, siya ay nakiki-live-in sa isang Pinoy din na OFW sa Saudi. Ang lalaki ay kasal sa iba ngunit sila'y hiwalay nang matagal. Ang hiwalayan nila'y sa pamamagitan ng isang kasulatan na wala na silang paki-alaman sa kanya-kanyang buhay. Tama ba?

Dagdag pa, nais ibili ng lupa noong lalaki ang iyong pinsan at ipa-rehistro ito sa pangalan ng iyong pinsan. Ang tanong mo ay may habol ba ang legal wife noong lalaki?

Oo, may habol siya. Ang kasal ay isang institusyong legal. Ibig sabihin ay, ito ay isang kasunduang kontraktuwal sa pagitan ng dalawang tao at ng estado na nag-recognize dito. So, kung ang kasalan ay ipapa-walang bisa at ang ang mga mag-asawa ay maghihiwalay, kailangang dumaan ito sa prosesong legal (kasi nga, legal itong pinasok, kailanga'y legal din ang paglabas sa kasunduang ito).

Walang bisa ang kasulatang pribado kung saa'y nagkasundo ang mag-asawa na sila'y hiwalay na at wala nang paki-alamanan sa isa't isa. Kapag namatay ang sinoman sa kanila, yung isa pa rin ang tagapag-mana niyang legal. Ibig sabihin, kung mamatay ang lalaki, hindi kailanman makapag-mamana sa kanya ang pinsan mo.

Yung lahat ng kita noong lalaki (at ng kanyang asawa kung siya'y nagta=trabaho din) ay bahagi ng conjugal partnership of gains. Kung sila'y kinasal makaraan ang 1989, malamang sa ang kanilang nai-upundar ay maging bahagi ng absolute community -- ibig sabihin, kahit na may kanikaniya silang buhay, ari-arian at suweldo, ang lahat ng ito sa mata ng batas ay pag-aari noong marriage at noong absolute community. Kapag kasi kinasal ang mga tao, para silang gumagawa ng isang legal na partnership -- ang mga property ng kinasal ay hindi na sa kanila -- it belongs to the absolute community of the marriage.

Dahil dito, kung ang kinita noong lalaki ang gagamiting pambili ng lupa para sa pinsan mo, ang property na iyon still belongs to the marriage. Yun na nga lang, dahil sa ang bilihan ng lupa at may kaakibat na TCT o titulo Torrens, kapag nakalagay na ang registered owner ay pinsan mo lamang at nakasaad doon ay siya ay single, at siya man ay may hanap buhay din (sabi mo'y siya'y OFw din sa Saudi), may kakayanan din siyang bumili ng lupa. So, para ma-agaw noong legal na asawa iyong lupa mula sa pinsan mo, kailangang maghabla pa siya at i-prove na ang talagang owner noong lupa ay iyong asawa niya. Mahirap ito dahil sa kanyang kinakalaban ang isang titulo Torrens. Ang nakalagay na registered owner sa isang titulo Torrens ay conclusive proof of ownership. Para ang isang titulo torrens ay i-assail at buwagin, kailangan noong legal wife ng 'nigh incontrovertible evidence' para ang TCT ay direktang atakihin. So, ang labanan ay ebidensiya sa ebidensiya.

Ang isang hindi mo siguro inaasahang implikasyon ng pakiki-sama o pakiki-relasyon sa isang taong may-asawa, ay ang panganib na silang dalawa ay ihabla sa asuntong kriminal na adultery. Binabahay na noong lalaki yung iyong pinsan. They are openly living as husband and wife even when alam ng pinsan mong may asawa at kasal sa iba iyong lalaki -- that is scandalous sa mata ng batas. Kung magpasya ang legal wife na sila'y idemanda, madedemanda sila. At kung sabihin ng legal wife na iaatras lamang niya ang demanda kung ililipat ang titulo sa pangalan niya, masusukol sila.

Iyan ang legal consequences ng pakiki-relasyon sa isang may-asawa. Sana'y nasagot ko ang iyong katanungan. Good luck sa iyo.