Walang makakapigil sa iyo na magsampa ng hablang criminal laban sa asawa mong nagbabahay ng ibang babae at nagkaroon ng anak doon sa kanyang ibinabahay at dahil sa mga dahilang ito, siya'y hindi na nagpapadala ng suporta sa kanyang mga lehitimong mga anak. Sa ilalim ng batas na tinatawag na Violence Against Women and their Children, ang pagtanggi ng lalaki na suportahan ang kanyang asawa at mga anak ay itinuturing na economic abuse. So, puedeng puede mo siyang ihabla.
Having said that, ano naman ang mapapala mo bukod sa paghihiganti kung iyong sasampahan ng kasong kriminal ang iyong asawa? Pag siya'y nakulong, lalo siyang hindi makakapag-trabaho at lalong wala kayong suportang makukuha. Bukod dito, lalo pang lalalim ang gawak ng inyong relasyon dahil sa bukod sa panlalamig ng pag-ibig, magkakaroon pa ng galit, hinanakit at paghihiganti.
Ang sa akin lang, a woman has to be practical. Kapag ayaw na ng lalaki sa atin, ba't mo pa hahabulin? If he is so stupid as not to know how good you were, why want him back? He is not good enough for you. At matapos na hiwalayan ako ng lalaki, kung ito'y dahil sa ayaw na niya sa akin o may mas gusto na siyang iba, naku, laking pasasalamat ko na lang -- hayaan mong ang salot ay mapunta naman sa iba. Good riddance! Kasi, if a man can't be faithful to his wife -- there is something intrinsically wrong with him at ayaw ko nang mabuhay na kinakadenahan ko pa ang lalaki at pinipiringan siya para lamang hindi mag-loko. Ako ay pinakasalan dahil sa ako'y asawa, hindi dahil sa ako'y warden ng City Jail. Kung ayaw na niya, maaaring iyakan ko siya, pero, please, napaka-ikli ng buhay para pag-aksayahan ko pa ng panahon ang taong ayaw naman pala sa akin. Aside from this, kung nagka-relasyon na siya sa iba, baka may sakit na siyang nakaka-hawa -- ayaw ko na rin sa kanya. Pero, iyon naman ay sa akin lang -- iyan ang aking sariling pananaw. Maaaring iba ang sa iyo.
So, kung feeling mo ay ang paghahabla ay the best course of action para sa iyo at sa iyong mga anak, then go ahead. You have to file a complaint affidavit sa harap ng Office of the Prosecutor sa inyong lugar. At kailangan mo ng ebidensiya: sulat, email, litrato o birth certificate noong kanilang anak.
Kung nasa Kuwait siya, at talagang gusto mong siya'y maparusahan, bakit hindi mo subukang mag-habla sa Kuwait Embassy? Kasi, obligado silang dakipin ang mga lalaking nangangalunya bawal kasi ito sa ilalim ng kanilang batas (lalo na't kung ang lalaki'y nakikisama sa babaeng hindi niya asawa sa loob ng Kuwait). Kasi, kung puede ito, ang mangyayari niyan ay dadakipin ang asawa mo sa KUwait, siya'y ikukulong at paparusahan (hagupit yata) bago siya i-deport.
Alalahanin mo lang na baka ang mga anak mo ay may amor sa kanilang ama -- baka naman ma-alienate mo ang mga anak mo at sa kalauna'y sisihin ka pa nila sa pagka-sira ng inyong pamilya. Naniniwala kasi akong "whatsoever a man soweth, that shall he also reap". Na kung ang isang tao ay saktan ang kapwa niya, lalo na ang asawang nagmahal sa kanya, may kapalit ito. Mas nanaisin ko nang ang hustisya na lang nga Diyos ang kumilos kaysa sa hustisya ko at hustisya ng Pilipinas (minsan kasi, hindi natin makuha ang hustisyang ninanais natin sa mundong ito).
Good luck sa iyo at nawa'y magliwanag ang isip mo at mapagisipan mong maigi ang mga bagay-bagay bago ka magpasya. Kumausap ng isang abogado at humingi ng tulong sa mga kinauukulan at nang ikaw ay magka-palad.