My husband has another woman - Yung asawa ko po ay may babae. Ofw po sya at umuwi sya sa bahay ng babae

atty.meron po akong picture nila na sweet cla yun po yung time na nalaman ko na may gf sya sa abroad,then yung conversation po namin nung girl sisiguraduhin nya daw na masisira nya kmi ok na po ba yun? and nung may 22 po sinundo ko sya duon sa bahay ng babae nya dahil duon po sya umuwe pag uwe nya dito sa pinas pinablotter ko po sila ok na din po ba yun na proof?? 2x na po sya umuwe ng pilipinas pero hindi po sa amin..atty.sa kasong concubinage po ba makukulong sya?

nagkarondin po kami ng agreement sa public atty.na iiwanan nya na po yung babae nya at yung tungkol sa suporta nya sa anak namin,.pero simula po ng bumalik sya sa korea ng june25,2014 hanggang ngaun po ay hindi po sya nagpaparamdam sa amin at kahit sustento sa bata ay wala,yung nanay nya po ang tinatawagan nya sinadabi nya na wala daw syang trabaho duon at yung nanay nya nmn nagsasabi sa akin,. pero nung tignan ko po ang facebook ng kaybigan ng kabit nya nalaman ko na nandun na din pala ang babae nya sa korea. so atty.ask ko lang po kapag po ba kinasuhan ng concubinage ang isang lalaki makukulong po ba sya?

Yes, makukulong siya kung mapatunayan na siya ay guilty ng concubinage dahil sa binabahay niya ang kanyang babae at humaharap sila sa publiko na para bang sila'y legal na mag-asawa. Yan ang concubinage. Yes, makukulong din siya kapag mapatunayan na hindi siya sumusustento sa inyong anak -- ito ang layunin ng batas, na ang mga amang nagloloko at nagkakaroon ng ibang mga karelasyon ay mapilitang gampanan pa rin ang kanilang obligasyon na pakainin, damitan at paaralin ang kanilang mga supling.
Since sabi mo na may proof ka noong binabahay niya ang babae niya, dapat din ay kumuha ka ng kopya ng marriage contract ninyo mula sa NSO. Ipasilip mo na rin sa Index of Marriage kung mag ibang kasal ang asawa mo. Iyan ay bigamy.
Kung makapag-pasiya ka na na gusto mong ipakulong ang lalaking ito, magdemanda ka na. Iyon nga lang, kung makukulong siya, paano naman siya maghahanap-buhay para kayo ay suportahan? At isa pa, kahit naman idemanda mo siya, hindi naman siya titigil sa pambabae, diba? Maaring iwanan niya itong babaeng ito ngayon para ma-settle ang kaso ninyo, tapos, pagka-lumamig-lamig ka na, e, di, magbabalikan sila. O kaya, aalis lang sila sa lugar ninyo at maninirahan sa ibang lugar na malayu-layo sa iyo. So, pag-isipan mo ito ng maigi.

yes atty gusto q nga po sya makulong,kpag po ba nakulong sya if ever po mapatunayan mapapawalang bisa na po ba ang kasal namin? at ilang years naman po ang pgkakakulong?? tsaka paano po yun nsa abroad po sya?? wala po ba pwedeng ikaso din sa babae nya? at yung sa index of marriage po ba pwede po kahit ako mismo kumuha nuon sa nso?? ayos lang po kahit hindi na nya sustentuhan ganon naman na ginagawa nya eh,basta makulong lang sya.maraming salamat po sa reply nyo po

atty ano po ba yung demand letter?

Yes, kung mapatunayan ngang siya'y nagksala ng concubinage, makukulong siya. At ang demanda o habla ay laban sa kanilang dalawa nung kanyang babae (hindi kasi maaaring maging guilty ng concubinage kung walang concubine o kabit) So sa iisang demanda, dalawa silang akusado noong asawa mo.

Dapat ay mag demanda ka, laban sa kanilang salawa sa Prosecutor's office. I suggest na idemanda mo na rin ng violation of Violence Against Women and their children Act (dahil sa hindi siya nagbibigay ng suporta sa anak niya -- child abuse iyon kung ituring ng natas). Tapos, pag may warrant of arrest na, ipa-hold departure order mo siya para hindi siya maka-alis ng bansa. Kung naka-alis naman siya ng bansa, ewan ko lang kung puedengmipa-cancel ang passport niya para siya'y ma-puwersang bumalik sa Pinas para harapin ang mga kaso -- hindi ko pa nasususbukan iyon kung puede.

Ang pinaka mabuti'y komunsulta ka sa isang experiensadong criminal lawyer. Medyo mahal nga lang sumingil ang mga iyon. Bukod dito, ang pagkakaroon ng kasong kriminal (kahit pa ikaw ang nagdemanda at hindi ikaw ang akusado) ay kumakain ng atensiyon at panahon -- parang aalagaan mo kasi ang kaso. Sa tuwi may hearing, lkailangang andoon ka. Kakayanin mo ba ang ganoon? Tuwi may bista, para kang tinatarakan sa dibdib, para bang ang mga sugat ng puso mo'y pinadudugo lang ng pinadudugo sa tuwing makikita mo sila--it may consume you and make you bitter lalo na't kung ang asawa mo'y kukuha ng matinik na abogado at magawa niyang maka-alpas.... iisipin mo din iyon. Toxic ang may kaso. Stressful siya emotionally bukod pa sa butas ang bulsa mo. Pero, kung ang nais mo'y hustiya, at handa kang ipaglaban amg iyong kaeapatan -- good luck sa i yo.

Ang demand letter ay isang liham na usually isinulat ng abogado na hinihiling na magbayad ang isang tao ng utng, o di kaya'y gawin ang isang aksiyong dapat niyang gawin dahil ito'y obligasyon niya. May kalakip din itong banta na kapag hindi nagbayad o kaya'y ginanap ang tungkilin, gagawa ng hakbang na legal upang makamtan ang ninanais noong nagpa-sulat ng demand letter.

Wari ba'y nangutang ka't hindi nagbayad, padasalhan ka ng nagpa-utang demand letter at doon ay nakasaad na dapat kang magbayad, binibigyan ka ng ilang araw upang magbayad, at nakasaad din kung magkano ang dapat na bayaran. Kung basta ka kasi i-demanda noon pinagka-utangan mo sa husgado nang hindi nagbibigay ng demand letter, madi-dismiss ang kaso.

Ganoon din kung ikaw ay nagpapalayas ng nangungupahang hindi nagbabayad. Kailangan din ng demand letter. Lahat halos ng abogado, bago magsampa ng kaso'y magpapahatid muna ng demand letter. Nasa sa iyo na iyon kung i-iignore mo o sasagutin ang letter of demand.