Dementia breach of contract? Pwede ipanlaban madalas makakalimutin/dementia para makauwi ako?

anonymous
This person has chosen to hide his/her identity.

4 months nako dito sa Jeddah KSA. Katatapos lang ng medical ko at meron naring 2 years contract including civil ID. Kung mapatunayang yung pandalas kong makakalimutin sa trabaho ay dementia pala, pwede ko kaya ipanlaban yon sa employer ko para makauwi ako? O makakasuhan parin ako ng breach of contract? Salamat po. - Housemaid in Jeddah



Topic: I've been here in Jeddah Saudi Arabia for 4 months. I just finished my medical exam and now have a 2 year contract, including civil ID. If it can be proven that my being forgetful is dementia, can I use it as an excuse to my employer, so that I can go back home to the Philippines? Or would I be charged for breach of contract?



 

Reply as anonymous (Your real name and picture will not be seen)
Adelaimar C Arias-Jose
is a Legal expert in the Philippines
Ang dementia ay isang sakit sa pag-iisip. Ang mga sintomas nito'y higit pa sa pagiging makakalimutin. Sabi nga nila, ang taong makalimutin, hindi maalala kung nasaan ang kanyang mga susi, pero ang taong may dementia, kahit hawak niya ang kanyang mga susi, hindi niya alam kung ano ito o para saan ito.

Ang dementia ay isang medical condition na ang mga brain cells ng isang tao ay unti-unting naluluoy at nangamamatay. Bukod sa pagiging makakalimutin. Hindi na rin makapag-isip ang isang taong may dementia, hindi siya makapag-pasiya para sa kanyang sarili. Hindi na niya maaalagaan ang kanyang sarili.

Kung ang amo mo ay magtanggal sa iyo dahil sa dementia, kakailanganin niya ng proof na meron ka nga nito (doctor's certificate). Hindi madali ang gumawa ng diagnosis na dementia (maraming neurological tests ang kailangan). At maraming iba't-ibang klase ng dementia. May Alzheimer's Dementia, may dementia from stroke, may dementia dahil sa injury sa frontal lobe ng utak, may dementia na resulta ng lakas sa pag-inom ng alak.

Kung ikaw ang gagamit ng kadahilanang dementia para maka-lagpas sa iyong contract, hindi ba't ito'y hindi magiging mabuti para sa iyo sapagkat ito'y magiging hadlang na ikaw ay makapag-trabaho pa muli bilang OFW? Hindi ka matatanggap sa ibang bansa na mas maganda ang mga kundisyon ng pagta-trabaho.

May tinatawag din na stigma na kaakibat ng dementia. Dahil sa ito'y sakit sa pag-iisip, ito'y nagiging sanhi ng kahihiyan ng ilan. Mahihirapan kang kumuha ng driver's license, ng marriage license, ng kahit na anong license kung ikaw ay masumpungang may dementia.

Ito ba ang gusto mo? O gusto mo lamang na maka-hanap ng dahilan para takasan ang kontratang hindi mo na gustong tapusin? Maghanap ka na lang ng ibang dahilan -- masyadong mabigat ang dementia at ito'y hindi biro. You will need medical documentation kung ikaw nga ay may dementia. At kung ito'y makuha mo, malilimitahan ang iyong hanap-buhay at kabuhayan sa hinaharap.

Pag-isipan mo itong mabuti. Huwag padalus-dalos kang gumawa ng pasya. Kung may dementia ka nga, hindi lang breach of contract ang magiging problema mo.
Adelaimar C Arias-Jose
is a Legal expert in the Philippines
PS, ang aking ina ay may dementia sanhi ng stroke. Nakakalungkot ito dahil sa madalas ay hindi niya ako kilala. Hindi na kami makapag-usap ng tulad dati dahil sa marami na siyang hindi maintindihan sa buhay ko at hindi maalalang mga nangyari.

Hindi na niya kilala ang aking mga anak. Hindi siya masyadong makalakad ng maigi, kailangan niya ng tulong para pumunta sa banyo, maligo, at mag-ikot-ikot. Madalas siyang balisa, hindi makali at naiinip at nagugulumihanan. Minsan ay puno ng takot ang kanyang mga mata dahil sa hindi niya alam kung nasaan siya o sino ang mga kasama niya. Minsan, natatakot siyang iwanan ng mga kasama niya. She lives in fear.

Dementia is not a joke. If you truly have dementia, mahihirapan ka at ang iyong pamilya. Kung wala kang dementia, please, huwag mong gawing dahilan ito at baka magka-totoo. I do not wish dementia on anyone. It is too sad and too scary to have dementia.

About the author

Adelaimar C Arias-Jose

I am a graduate of the UP College of Law. Member of the Integrated Bar of the Philippines since 1995. I am currently involved in private practice in criminal, civil and labor law.
Profession: Lawyer
Adelaimar C. Arias-Jose
Office Address: #34 St. Michael Street
Philippines , Manila , Makati
The medical information contained in this section is not intended for treatment or prescription. It is used to complement, not replace, the communication between a patient and their physician. Reliance on any information provided by BuhayOFW or any medical experts is solely at your own risk. If you have a medical emergency, call your doctor or go to the hospital immediately. BuhayOFW's Medical Review Board is a team of board-certified doctors who ensure our content is medically accurate and reflects the latest in health information. Our experienced board of medical professionals verify that our content is thorough and all-inclusive, in order that you can trust the information you read here will help you through improvements in your health journey—whether that’s for yourself or for a loved one.

Disclaimer: The materials available in the Buhay OFW web site are for informational purposes and not for the purpose of providing legal advice. You should contact your attorney to obtain advice with respect to any particular issue or problem. Use of and access to this Web site or any of the e-mail links contained within the site do not create an attorney-client relationship between Buhay OFW and the user or browser.

If you are a legal expert who would like to help answer questions, please register here.