Backing out of employment contract because too long - Pwede ba ako umatras sa contract kahit nakapirma na? Kasi may iba offer sa akin

Hindi ko masasagot yang tanong mo ng payak. Una sa lahat, hindi ko nabasa ang employment contract na iyong pinirmahan. Hindi ko alam kung nakasaad doon na nangangako ang employer o agency na ikaw ay made-deploy sa isang particular date. Hindi ko rin alam kung may punitive clause iyong contract ninyo, na kung hindi ka ma-deploy sa loob ng isang buwan, puede nang buwagin ang contract. Kailangan makita ng abogado ang contratang pinirmahan mo upang masabi kung maaari ka pang umatras.

Pangalawa,isipin mong nagka-gastos na ang agency at employer para ma-secure ang visa at working permit mo. Kung ikaw ay umatras, baka pabayaran ang nagastos sa iyo.

Pangatlo, mas maigi sigurong ikaw ay gumawa na ng formal letter of demand. Sabihin mong naghihintay ka na ng three months, hindi pa lumalabas ang visa mo. Nauubos ang panahon mo, at nagkakagastos ka, wala namang pumapasok na pera. So, bibigyan mo sila ng palugit hanggang sa (ikaw na ang bahala, 10 days or 15 days) at kung hindi pa ma-release ang iyong visa at ikaw ay hindi pa maka-lipad, mapipilitan kang i-withdraw na ang iyong application sapagkat sila ay in breach na noong kanilang undertaking na ikaw ay ma-deploy nila sa loob ng (kung ilang mang linggo ang kanilang ipinangako).

Iyong nga lang, ang tanong, kapag ba ini-withdraw mo iyon, maibabalik kaagad sa iyo ang passport mo? Hindi ba't kakailanganin mo rin ang passport mo kung mag-aaply ka ng panibagong work visa?

So, pag-isipan mo ang mga bagay-bagay at huwag kang magpadalus-dalos. Kung makakapag-consulta ka sa isang abogado at maipapakita mo ang iyong contract, masasabi noong abogado kung ano ang mga options na open sa iyo.

2nd week of August sabi po ng agency na may visa na po ako na-release na daw po. Kailangan na lang daw po ng accreditation of the employer from POEA. The following week pumunta po ako ulit para humingi ng copy of my visa then bigla nila sinabi na wala pa daw ako visa may kailangan pa daw po mula sa employer para ma-facilitate yung visa application ko sabi ko sa kanila na 2mos na po medical ko then no reaction. hindi po ba malinaw na panloloko na yun?