Seaman not allowed to work because of hypertension and diabetes

Actually po, hindi po failure to deploy ang nangyari diyan. Na-deploy na kayo kasi, may barko na kayong sasampahan, di po ba? May contrata na kayong aprobado na ng POEA -- ibig sabihin po'y ito'y napirmahan na ninyo, ng crewing agency at ng shipping company.

Ibig sabihin po nito'y binding na at legal na ang inyong contract of employment. Ang pag-tanggi sa recommendation ng doctor mismo ng crewing agency na tumingin sa inyo ay isang kilos na sumira sa isang kontratang legal. Ito po ay isang dismissal without just cause -- ito po ay illegal dismissal.

Ang maigi po ninyong gawing ay gumawa muna kayo ng isang demand letter. Dito, bibigyan po ninyo ng palugit ang crewing agency na bayaran ang damages o di kaya's i-deploy kayo kundi kayo'y maghahabla laban sa kanila. Makaraan ang palugit at sila'y walang aksiyon, saka kayo mag-sampla ng reklamong illegal dismissal.

Ang akin pong payo ay naka-base sa mga binigay ninyong facts at mga general principles of law. Hindi ko po nakita ang mga dokumentong inyong tinutukoy. Mas maigi po kung makipag-kita at makipag-ugnayan kayo sa isang abogado upang matignan niya ang mga dokumentong hawak ninyo at siya ang makapag-sasabi kung kayo ay may cause of action for illegal dismissal or failure to deploy.

Siya rin ang makapag-sasabi sa inyo kung ano ang mga danyos na inyong maaaring matamo ayon sa batas. Kung ako po ang tatanungin ninyo, ang batas po sa ngayon ay nagtatakda lamang ng danyos (separation pay or unexpired portion) na ka-tumbas ng isang buwang sahod sa bawa't taon ng inyong kontrata. Kung halimbawa't ang inyong kontrata'y dalawang taon, ang danyos na maibibigay sa inyo ay katumbas ng dalawang buwang sahod. Yaman din lamang at ang karaniwang seafarer's contract ay may bisa ng mula 6-8 buwan, malamang sa isang buwang sahod lamang ang inyong matatamong danyos.

Ang lahat po ng ito'y tuwiran ninyong matitiyak kung kayo'y makikipag-ugnayan sa isang abogado. Piliin ninyo ang isang abogadong nagse-specialize sa labor law at nang maka-tiyak kayong up-to-date ang kanyang kaalaman sa mga batas.

Good luck po sa inyo at salamat sa inyong tanong. Marami tayong mga kababayang mga seafarer din na makakukuha ng kaalaman dahil sa inyong tanong.