Signed job offer

anonymous
This person has chosen to hide his/her identity.

Pumirma po ako sa isang job offer dito sa Saudi..makakasuhan po ba ako kung sakaling hndi ko na ituloy ang employment ko sa kanila..nagdadalawang isip po kasi ako at mayroon pa akong kasalukuyang trabaho ngayon dito sa Jeddah..Hindi pa po ako pumipirma sa kontrata, job offer pa lang po ang pinirmahan ko at ifoforward daw nila iyon sa agency sa Pinas para legal sa POEA.



Translation: I signed a job offer here in Saudi Arabia. Could I be sued if I decide not to work for them? I'm having second thoughts because I currently have another job here in Jeddah. But I haven't signed any job contract, only a job offer sheet, and they said that they would forward it to an agency in the Philippines to be legally processed through POEA.

 

Reply as anonymous (Your real name and picture will not be seen)
Adelaimar C Arias-Jose
is a Legal expert in the Philippines
Hello, hindi ko masyadong maiintindihan ang mga facts. Let's see kung tama ang pag-intindi ko. Ikaw ay OFW na nasa Jeddah -- kasalukuyan kang nagta-trabaho doon sa ilalim ng isang kontrata. Hindi pa tapos ang kontratang ito, nang ikaw ay makatanggap ng isang job offer sa Saudi Arabia.

Una sa lahat, ang job offer ay isang offer of employment. Parang offer to buy or offer to sell. Kapag pumirma ka noong, ibig sabihin ay seryoso mong kinukunsidera ang kanilang offer.

Kumbaga, para ka lang nag-apply sa trabaho. Pero dahil sa hindi mo pa natutukoy ang mga partikular ng job offer, hindi pa siya binding bilang isang contract of employment. Ang susunod na step kasi diyan, ay ang pag-pirma ng job contract mismo.

Dahil sa hindi ko nakita ang pinirmahan mo, hindi ko masasabi kung binding ito. Kapag may mga salitang 'I promise' o kaya 'I undertake' -- yan ay mga tanda na binding ang nature noong job offer.

Kung ito ay isang binding contract na, malamang sa makasuhan ka kung ikaw ay aatras. Pero, tignan mong mabuti. May kopya ka ba noong job offer na pinapirmahan sa iyo? Kung ang mga terms doon ay hindi pareho noong terms sa contract of employment mo, may lusot ka. Kasi, iba ang ini-offer sa iyo, iba ang nakalagay sa contract of employment.

May ipinasa ka bang mga requirements? May binayaran ka bang placement fee? Ito ay mga palatandaan na binding na sa iyo ang job offer na iyon. Ang dahil sa magkaka-gastos na yung agency (dahil sa lalakarin ang papeles mo sa POEA), malamang sa kasuhan ka nila. Hindi claro sa akin kung Philippine placement agency ba ang nagpa-pirma sa iyo ng job offer or isang principal na mula sa Saudi. Kung isang Pilino placement agency, wala naman silang cause of action sa iyo kundi collection noong ginastos na nila para sa paglalakad ng papeles mo sa POEA. Kung Saudi principal siya, malamang sa diyan ka kasuhan ng breach of contract. Again, hindi ko alam ang laws ng Saudi Arabia (kung pera-pera lang ba ang mga ganitong asunto o kaya'y may kasamang kulong). Kung diyan ka sa Saudi kakasuhan, well, siyempre, mahihirapan ka dahil sa magkaka-gastos ka diyan, abala at ang isa pa'y baka ang trabaho mo ngayon ay ma-lagay pa sa alanganin.

Ngayon, baka naman matagalan ang processing, matapos na ang kontrata mo sa Jeddah bago pa man lumabas ang approval nung POEA_approved contract sa bagong job offer. Eh, di, wala kang sabit doon.

Sana'y mas nai-detalye mo ang kuwento mo at nang medyo ma-detalye din ang aking sagot sa iyo. Good luck sa iyo!
Marvin Ferrer
is a Service Planner in Saudi Arabia
tama po ang pagkakaintindi nyo Atty.Bimbi. Kasalukuyan po akong nagtratrabaho dito sa Jeddah as Service Planner at matatapos na po ang kontrata ko this coming June 15, 2014. Tapos meron po akong natanggap na job offer sa isang company din dito sa Saudi as Service Coordinator. Pumirma po ako sa job offer nila at ang nakasulat sa hulihang bahagi ng offer ay "I acknowledge my acceptance of this offer by signing and returning the attached copy". Binding na po ba ang job offer na yan? hndi na po ba ako pwedeng umatras? Makakasuhan po ba ako? Salamat po ng marami..
Adelaimar C Arias-Jose
is a Legal expert in the Philippines
Naku, kapag ang isang offer ay 'accepted' na, ito ay hindi na unilateral offer of a job, ito ay isa nang binding contract of employment. Ang job offer ay unilateral (nanggaling sa iisang partido lamang at ito ay mula sa isip ng iisang partido lamang). Kapag tinanggap mo na ang offer, ito ay hindi na unilateral -- ito ay bilateral na. Ibig sabihin ay nagtagpo na ang isip ng offeror (ang nag-bibigay ng pa-trabaho) at ng acceptor (iyong taong nais nang mag-trabaho). Noong pumirma ka, you accepted the job offer.

Ibig sabihin, gusto mo iyong trabahong iyon, lahat pati ng terms and conditions na nakasaad sa job offer. May kopya ka ba noong job offer? Kasi kung ang ibigay sa iyong contract of employment ay may terms and conditions na kakaiba doon sa iyong in-accept na job offer, puede ka pang mag-back out. Pero kung ang terms and conditions sa job offer ay kaparehong-kapareho noong nasa POEA-approved job contract, wala ka nang kawala doon, it is binding on your part. You already accepted the offer.

Ang ibig sabihin lamang noon ay may trabaho ka na matapos ang iyong contract sa June 15. Kung lumabas ang iyong panibagong job contract at ang iyong working visa before June 15, you are obliged to work already sa panibago mong employer.

Good luck sa iyo -- nawa ay yung trabaho na sa unang tingin mo ay hindi katanggap-tanggap ay magbigay sa iyo ng magandang kinabukasan na hindi mo inaasahan. Minsan kasi, yung inaakala natin na hindi maganda sa una, pag tagal-tagal pala ay malaking suwerte na natin sa buhay -- sana'y ganito ang mangyari dito sa iyo. Good luck!

About the author

Adelaimar C Arias-Jose

I am a graduate of the UP College of Law. Member of the Integrated Bar of the Philippines since 1995. I am currently involved in private practice in criminal, civil and labor law.
Profession: Lawyer
Adelaimar C. Arias-Jose
Office Address: #34 St. Michael Street
Philippines , Manila , Makati
The medical information contained in this section is not intended for treatment or prescription. It is used to complement, not replace, the communication between a patient and their physician. Reliance on any information provided by BuhayOFW or any medical experts is solely at your own risk. If you have a medical emergency, call your doctor or go to the hospital immediately. BuhayOFW's Medical Review Board is a team of board-certified doctors who ensure our content is medically accurate and reflects the latest in health information. Our experienced board of medical professionals verify that our content is thorough and all-inclusive, in order that you can trust the information you read here will help you through improvements in your health journey—whether that’s for yourself or for a loved one.

Disclaimer: The materials available in the Buhay OFW web site are for informational purposes and not for the purpose of providing legal advice. You should contact your attorney to obtain advice with respect to any particular issue or problem. Use of and access to this Web site or any of the e-mail links contained within the site do not create an attorney-client relationship between Buhay OFW and the user or browser.

If you are a legal expert who would like to help answer questions, please register here.