Required ang new passport showing my married name paguwi Pilipinas?

Ang mga Pilipina ay may karapatan sa ilalim ng Civil Code na patuloy na gamitin ang kanilang maiden name kahit na sila'y kasal na. Papapalitan mo lamang ang iyong passport kung ang gusto mong gamiting pangalan ay ang apelyido ng iyong asawa. Puede din naman na ikabit mo na lamang ang apelyido ng iyong asawa sa iyong maiden name.

Para mas klaro, ito ang halimbawa:

Maiden name: Ms. Dalagang Mayumi Pilipina

Tatlong puedeng maging Married name:

1. Ms. Dalagang Mayumi Pilipina (kasal ka na pero, ginagamit mo pa rin ang iyong maiden name).
2. Mrs. Dalagang Pilipina Kasalna (apelyido ng lalaki, ginamit mo na bilang pangalan mo)
3. Mrs. Dalagang Mayumi Pilipina-Kasalna (ang buong pangalan mo sa pagka-dalaga ay tangan mo pa rin pero, ikinabit mo lamang ang pangalan ng iyong pinakasalan. Ito ang ginamit ko. Noong ikasal kasi ako, hindi pa lumalabas ang resulta noong Bar exams. Noong lumabas ang resulta noong Bar exams at ako ay naging ganap na abogada, may asawa na ako. Para hindi ko na palitan pa ang aking mga records, ginamit ko pa rin ang buong pangalan ko sa pagka-dalaga at ikinabit na lamang ang pangalan ng asawa ko sa pamamagitan ng paggamit ng isang hyphen '-' sa pagitan ng apelyido ko sa pagkadalaga at apelyido ng aking asawa. Iyon na nga laang, napaka-haba ng pangalan ko -- hindi kasya minsan sa mga ID cards na credit card type.

Ang dapat mong papalitan ay ang iyong civil status mula sa 'single' patungo sa 'married' pero, ang iyong pangalang gagamitin ay iyon pa ring pangalan mo sa pagka-dalaga. Puede iyon.

Best wishes sa iyong kasal! At congratulations sa iyong mapapang-asawa. Nawa'y pagpalain ng Diyos ang inyong pagsasama ng matamis na pagiibigan sa habang panahon ng inyong mga buhay.