Teka, isa-isahin natin: may mga taong divorced na sa US. Ang mga tao bang ito ay kapwa Filipino? O ang isa'y Filipino at ang isa'y foreigner? Palagay ko, hula ko lang, isang mag-asawang Pilipino, kinasal sa Pilipinas, nag-migrate sa US at doon sila'y nag-divorce at gusto na nilang ang kanilang divorce ay tanawin at kilalanin sa Pilipinas. Tama ba?
Ganito kasi iyon, ang isang divorce decree ay isang order ng husgado sa US. Kung kaya't ito'y dapat na ipa-certify mo. Dapat ay kumuha ka ng certified true copy noong divorce decree sa US. Bale, gagawa ng kopya ang husgado sa Amerika sa katunayan na sa petsang ____, ang kaso para sa diborsiyo ay pinagpasyahan ng husgado at ang isang decree of divorce ang inisyu ng husgado na ganito ang sinasaad.
Pag naka-kuha ka certified true copy noong order at judgment of divorce, kailangan mo itong ipa-authenticate sa Consular Office o sa Embassy ng Pilipinas. Ito iyong tinatawag na 'magpa-red-ribbon' nilalagyan kasi ng Consular Office ng pulang ribon ang mga dokumentong authenticated nila.
May singil marahil ang magpa-authenticate. Kailangan kang makipag-ugnay sa Consular office para malaman mo ang proseso at kung magkano ang magagastos.
Pagkatapos nito, bitbit ang certified true copy ng decree of divorce at authentication mula sa consul ng Pilipinas sa US, subukan mong pumunta sa PCSO. Kasi, kung mga citizen na ng US ang mga dating Pilipinong iyan, hind ko lang masyadong sigurado, baka administrative na lamang ang kanilang gawin. Ang ibig sabihin nito'y sa record ninyo sa PCSO, may ilalagay sila sa gilid noong NSO copy ng Marriage Certificate na ang Marriage Certificate na ito ay wala nang bisa sapagkat ang marriage na ito ay dissolved na by way of divorce mula sa US. At doon ilalagay ang mga particular ng diborsiyo.
Kung hindi naman sila papayag, kailangan silang mag-sampa ng petisyon sa husgado sa Pilipinas para i-declare na nullified na ang kasal dahil sa ito ay dumaan na sa divorce sa US. You will have to prove that that marriage bond has been severed. You will also have to prove na iyung decree ay authentic, legal at valid sa US. Para sa kasong ito, kailangan ninyo ng abogado.
Sana'y naliwanagan kayo sa inyong isinangguning problema. Ang pinaka-mainam ay ang kayo'y magtanong-tanong, at maghanap-hanap ng maaasahang abogado.