Dog bite lawsuit, claims, sue - Pwede po bang kasuhan ang may-ari ng aso na naka-kagat sa aking pamangkin?

Ang isang taong mag-alaga ng aso ay may responsibilidad na siguraduhing hindi maka-pinsala ang kanilang alagang aso. Lalo na't kung ang aso ay malaki at ito ay may lahi (katulad ng Pitbull o Rottweiler) na may reputasyon bilang mabangis.

So, para ma-prove na ang may-ari ng aso ay pabaya, kailangan ipakita na ang aso ay hindi naka-tali o hindi naka-kulong sa kanilang bakuran. Kung ang aso ay hinahayaan lamang na gumala, ito ay hindi responsable. Kung ang aso ay hindi napa-bakunahan (may 5-n-1 na bakuna laban sa mga karaniwang sakit ng aso -- three shots ito. Bukod sa initial na shot, may booster din ito taun-taon. May anti-rabies shot taun-taon. may anti-heartworm din taun-taon.) Kailangang ang aso ay may collar.

Kung ang aso ay pumasok sa bakuran ng may bakuran at doon sa kapit-bahay nangagat, ito rin ay prueba ng kapabayaan. Kung ang aso ay naka-kagat na noon pa man at ito'y hinayaan pang maka-kagat muli, ito din ay isang kapabayaan.

Siyempre, kung ang aso ay tinukso o pinagmalupitan ng tao, kaya't ang aso ay nangagat --upang proteksiyunan ang sarili, well, ibang usapan na iyon. Gayon pa man, kung maka-kagat ang aso (kahit na sabihing, nakikipag-laro lang ang aso at nagalusan lamang ang taong kalaro) sagutin pa rin noong may-ari iyon. Kasi, pag-aari niya iyong hayop na iyon.

Hindi naiintindihan ng mga tao kasi na ang pag-mamay-ari ng aso ay isang pribilehiyo, hindi karapatan. Kung paanong kailangan na ang isang tao, bago bumili ng sasakyan ay mayroon munang garaheng pag-paparadahan ng sasakyan, ganoon din ang pag-aalaga ng aso. Lahat ng mabangga ng kotse, may kasalanan man o wala, may bayarin pa rin ang may-ari ng sasakyan -- ganoon din ang nagmamay-ari sa aso -- lahat ng makagat ng aso niya, may pananagutan siya -- ang tanong lamang ay kung magkano. kasi nga, naka-pinsala.

P.S. Kung ako sa iyo, sulatan mo na ang may-ari ng naka-kagat na aso. Bigyan mo siya ng xerox ng mga pinag-bayaran sa pagpapa-ineksiyon sa bata. Ang singil sa gamot at sa doctor.

Ilagay mo doon na dapat ay bayaran niya ang lahat ng nagastos. Bigyan ninyo ng limang araw na palugit. pagkaraan ng limang araw, dumulog na kayo sa barangay. kasuhan na ninyo. Kung hindi kayo magkasundo sa barangay, dumeretso na kayo sa PAO kayo ay humingi ng tulong upang makapag-hain ng demanda laban doon sa may-ari ng aso.

Sa lalong madaling panahon gawin na ninyo. Kasi, bata ang nakagat, tignan ninyo't baka mamaya, may liabilidad din sa ilalim ng Child Abuse. WAri, kung tinakot ang bata, at pinahabol sa aso at nakagat -- may mga taong ibang klase ngayon, eh. Medyo malupit ang sense of humor nila. So, baka sasailalim ito sa anti child abuse.