Maaari pa po bang bawiin ang portion ng lupa na pag aaari ng aking ama na nailipat sa sa pangalan ng iba (tax declaration) gamit ang pekeng dokumento?

Ang aking ama ay may 1.0917 ektaryang pag-aaring lupa na malapit sa Ilog at portion nito at ng mga katabing lupain ay nabawasan  na dulot ng pagbaha. Dahil dito hindi malinaw sa ngayon ang eksaktong sukat ng lupa na natira mula sa pagguho.  2016, nagsadya kami sa municipal assessor's office upang ayusin ang lupa at dahil dito napag - alaman namin na 671 sqm ng nasabing lupa ay nailipat sa pangalan ng iba o ng Katabing may ari ng lupa (lumaki po ang kanilang lupa) gamit ang pekeng quit claim (Sapagkat walang pinirmahang quit claim ang aking ama). Ang naturang pekeng quit claim ay dated pa 1994. Wala kaming ginawang aksyon Sapagkat wala kaming sapat na perang maaari ng gamitin sa paghahabol at hindi na sa aming barangay nakatira ang mga taga pagmana ng nasabing lupa (walang impormasyon sa taga pagmana)  . Until today, umuwi ang tagapagmana ng lupa at nagpapabakod (temporary using bamboo as fence materials). Sa aming pagtantsa base sa hawak naming mapa kalakip ng aming taxdec, sakop na po ng lupa ng aking ama ang nais nilang Bakuran dahil dito minabuti naming kausapin sila kaharap ang opisyal ng barangay (hindi ito file as reklamo) upang ipatigil pansamantala ang pagbabakod hanggang maipasukat sa geodetic engineer at mailagay ang  tamang mohon (land markings) Sa pag uusap, nadiskubre namin ang tampered na dokumento (quit claim), may erasure sa pangalan ng aking ama, at pekeng ang pirma. Scanned docs po ipinakita sa amin at may 2 pirmadong saksi ngunit hindi notaryado. Maaari pa po ba kaming maghabol sa portion ng lupa ng aking ama na nailipat gamit ang nasabing pekeng dokumento? Pagpayuhan nyo po kami. Marami pong salamat!