Isang water-soluble B vitamin ang folic acid. Natural na makukuha ng isang tao ang folic acid sa mga pagkain na mayaman sa whole grains (tulad ng whole wheat bread), beans, spinach at ibang gulay. Iilan sa mga pagkain na mayaman sa folic acid ay ang spinach, broccoli, lettuce, okra, asparagus, fruits (tulad ng bananas, melons, and lemons) beans, mushrooms, orange juice, at tomato juice.
Kapag hindi balanse ang iyong diet, maaari mo mabili ang folic acid sa over-the-counter multivitamin na mayroong folic acid at ibang B vitamins na kulang sa iyong kinakain. Iwasan na lalagpas sa 400 micrograms ng supplemental folic acid ang iinumin araw-araw, pwera na lang kapag rineseta ng doctor. Kadalasan na non-prescription (hindi kailangan ng reseta ng doctor) ang folic acid tablets na below 1,000 micrograms.
Depende rin kung saan gagamitin ang folic acid. Ginagamit ang folic acid sa pagiwas at paggamot sa low blood levels of folic acid (folic acid deficiency), anemia, liver disease, alcoholism, at kidney dialysis. Mayroon din mga naniniwala na nakaka-prevent ito ng colon cancer, cervical cancer, heart disease at stroke. Ang mga babaeng buntis naman ay umiinum ng folic acid supplements upang maiwasan ang pagkalaglag (miscarriage) o magkaroon ng neural tube defects o depekto ang sanggol.