Isa ang Dubai sa mga pinakamagagandang siyudad sa Middle East na pinupuntahan ng karamihan ng mga Pilipino upang mamasyal o magtrabaho. Ito ang may pinakamaraming populasyon sa United Arab Emirates at mistulang sentro nito. Hindi lang mga Pilipino, kundi iba’t ibang lahi ang nahuhumaling sa ganda ng disyerto at kakaibang arkitektura na hatid ng siyudad na ito.
Bilang OFW sa Dubai ng 3 taon, ito ang ilan sa listahan ng mga sikat na lugar na napuntahan ko na hindi lang kahanga-hanga, kundi abot-kaya rin ng bulsa.
1. 1.) Dubai Mall
Ang Dubai Mall ang pinakamalaking mall sa buong mundo at kung ikaw ay nasa Dubai, hindi mo ito pwedeng kalimutan. Ito ang unang lugar na napasyalan ko nung bagong dating ako sa Dubai.
Meron itong built-in na higanteng aquarium sa ground floor.
Dubai Aquarium and Underwater Zoo
Eto ang isa sa mga pinakamalaking pating sa loob. Minsan, makikita rin ang mga scuba divers na lumalangoy kasama ang mga isda at pinapakain ang mga ito.
Meron ding area na tinatawag na “The Souk” kung saan namimili ang mga lokal at bisita ng mga ginto at iba pang internationally-branded na kadamitan at gamit.
Isa sa mga pinakagusto ko ang mga naglalakihang installments sa mga iba’t ibang shop sa loob.
Kung ikaw ay book-lover gaya ko, ang Kinokuniya Book World, ay parang paraiso. Kumpleto ito mula A-Z ng mga libro sa lahat ng genre. At mismong ang shop na ito ay may sariling map guide para madaling mahanap ang iyong gusto!
At nakadagdag na rin sa ganda ang mala-palasyong design ng mall.
Mula sa likod ng Dubai Mall, matatanaw ang matataas na buildings at iba’t ibang kainan at hotels.
Tanaw rin dito ang Burj Khalifa, na tinaguriang “World’s Tallest Tower.”
Ito ang paborito kong puntahan tuwing nasa Dubai Mall, hindi makukumpleto ang lakad kung hindi ko makikita ang Eiffel Tower ng Dubai. Iba sa pakiramdam na tumayo sa harap ng pinakamataas na building sa buong mundo.
At dito, ipinapalabas ang pinakainaabangan ng mga tao: ang “Dancing Fountain” show sa Dubai Mall araw-araw, naguumpisa tuwing alas-sais ng hapon hanggang gabi.
2. ) Dubai Creek
Isa sa hilig kong puntahan para magpalipas ng oras ang daungan na ito. Ginawa itong park at pwede kang makasakay sa “Abra” sa halagang 1 AED lamang, para makatawid papuntang Bur Dubai o “Old Dubai”.
Nakakarelax at nakakawala ng pagod ang Creek, at makikita rin ang magagandang buildings palibot dito.
3. Old Dubai or Souk
Pagkababa sa Abra, ang lumang Dubai ang bubungad sayo. Dito makikita ang ganda ng ilang henerasyong tradisyon at kultura pati ang iba’t iba nilang makukulay na paninda.
4.) Wafi Mall
Pangarap kong makarating ng Egypt kaya ng makita ko ang mga larawan nito sa internet, pinuntahan ko agad ang Wafi Mall. Ang disenyo ng mall na ito ay hinalintulad sa Egypt kaya sobrang nakamamangha.
5.) Ibn Battuta Mall
Kagaya ng konsepto ng Wafi Mall, ito ay dinesenyo sa iba’t ibang bansa, hindi lamang Egypt, at ang makarating dito ay parang pagbisita sa buong mundo sa isang araw.
Una kong nakita ang China court na nasa entrance ng Mall.
Sumunod ang India.
Persia
Tunisia
Ilan lang yan sa mga bansa na nasa loob ng Ibn Battuta Mall.
Hindi kailangang gumastos ng malaki para mag-enjoy sa Dubai. Maraming pasyalan dito gaya ng mga hinalimbawa ko. Pamasahe lang okay ka na, may pambili ka pa ng mga pasalubong.
Article by: Donalyn Martinez
(Copyright: Please do not use the photos here without permission)