TAMANG AYOS NG KWARTO PARA MAKATULOG AGAD

Nahihirapan ka ba makatulog kahit na pagod? Nagigising ka ba sa hating gabi at hindi na ulit makatulog habang panay sulyap sa orasan?

Isang pangkaraniwang problema ang kawalan ng tulog o insomnia. Nakakabawas ito ng iyong enerhiya, kakayahang magtrabaho sa umaga at nakakasama pa sa iyong kalusugan. Bukod dito, pwede ka rin makaranas ng pagkaantok sa umaga, pagkapagod at panghihina, pagka iritable, pagiging makalimutin o hindi maka-pokus sa gawain.
 
Narito ang tamang ayos ng silid o kwarto, upang madaling makatulog:
-       Siguraduhing tahimik ang iyong silid, madilim at hindi mainit. – Nakakasira ang ingay, liwanag at alinsangan o init sa pagtulog. Dapat hindi ganun kaliwanag ang ilaw sa kapaligiran.
-       Subukang gumamit ng earplugs para hindi marinig ang ingay sa labas. Maglagay ng kurtina o sleep mask para walang makitang liwanag.
-       Kung walang airconditioner, buksan ang bintana o magbentilador (electric fan) para malamig.
-       Gawing kanlungan ang iyong kwarto o tulugan. - Ang mga damit na nakakalat sa ibabaw ng iyong higaan, ang mga bayarin o bills na nakikita mo, at ang anupamang mga bagay na nakakalat ay makakaapekto sa iyong emosyon. Kung nakaayos lahat ng mga gamit at malinis ang iyong kapaligiran, mas madaling makapagpahinga ang iyong katawan at isipan.
-       Huwag magbasa mula sa mga kagamitan na may ilaw o backlight, gaya ng cellphone. - Kung gagamit ka ng cellphone, hinaan ang backlight.
 
Ito pa ang ibang tips o paghahanda bago matulog ay:
· Panatilihing regular ang oras ng iyong pagtulog. - Sundan ang iyong biological clock at matulog at gumising sa parehong oras araw-araw pati sa sabado at lingo, kahit ikaw ay pagod. Makatulong ito sayo upang bumalik ang normal mong pagtulog.
· Iwasang umidlip ng mahaba sa umaga - Ang pag-idlip ng mahaba sa araw ay nakakadagdag sa hirap makatulog sa gabi. Pag naramdaman mong kelangan mong umidlip sa umaga, ilimita ito sa 30 minutes bago mag alas tres ng hapon.
· Iwasan ang nakakapagod na aktibidad o gawain pati na ang nakaka-stress na sitwasyon bago matulog. - Kasama na dito ang matinding ehersisyo, malaking pagtatalo at argumento, at panonood ng TV, o paglalaro ng computer at video games. Sa halip, tumutok sa mga gawaing tahimik at nakaantok tulad ng pagbabasa, pag-gagantsilyo o pakikinig sa malumanay na musika o tugtugin. Gumamit ng white noise machine para masala ang ingay. Ang utak mo ay nakaririnig ng mga bagay kahit ikaw ay tulog.
· Limitahan ang caffeine, alkohol (alak) at nicotine. - Tigilan ang pag-inum ng kape, tsokolate walong oras bago matulog. Makakasira mga ito sa lalim ng iyong pagtulog. Tigilang manigarilyo o iwasan ito sa gabi.