Warning Signs na Sobra ng Asin sa Katawan: Bakit wag kumain maalat

Kaunti lang ng asin ang kelangan ng katawan natin, mga 1 kutsarita lang bawat araw. Ngunit karamihan sa atin ay mahigit 2 o 3 kutsarita ang nakakain sa isang araw.
Nakakasanhi ng stroke, sakit sa puso at mataas na blood pressure ang sobra ng asin sa katawan. Pero paano natin malalaman kung sobra sa asin sa katawan? Narito ang iilang senyales.

Biglang pagtaas ng timbang
Kapag nananatili ang tubig sa katawan, tumataas ang timbang. Dahil sinisipsip ng asin ang tubig sa katawan. Kapag biglang tumaas ang iyong timbang ng mga 1-2 pounds ng ilang araw lang, maaaring nasobrahan ka ng nakain na asin.
 
Malaki ang tiyan o bloated
Kapag parang naninikip o kinakabag ang tiyan, maaaring senyales ito na madami ang nakain na asin. Nagsisipsip ng tubig ang asin, kaya dumadami ang tubig sa katawan.  
 
Madalas mauhaw
Kapag madalas ka nauuhaw, maaaring senyales ito na marami kang nakain na asin. Kapag nangyari yan, kinukuha ng iyong katawan ang tubig, kaya’t pakiramdam mo ay nauuhaw. Nakaka-dehydrate din ito. Kaya’t uminom ng tubig, para lumabnaw ang asin sa katawan.
 
Madalas naiihi
Nakakauhaw ang asin, kaya’t mas madalas ka uminom ng tubig at maiihi.
 
Di diretso ang tulog/ Pagising-gising
Nakakastorbo ng tulog ang masyadong nakain na asin. Maaaring ang pakiramdam ay di maganda ang tulog o pagising gising sa gabi.
 
Nagmamanas
Senyales ng maraming asin sa katawn ang pamamanas lalo na sa mukha, kamay, paa at bukong bukong.
 
Kumukulo ang tiyan
Nakaka-dehydrate ang maraming asin sa katawan. Nakaka-apekto rin ito sa ating tiyan. Maaaring pakiramdam ay nasusuka o nagtatae. Damihan ang paginom ng tubig upang bumuti ang pakiramdam.
 
Mataas ang blood pressure
Maraming maaaring dahilan ng altapresyon, ngunit isa na rito ang maraming asin sa katawan. Nahihirapan ang ating kidney na maglabas ng tubig kapag madaming asin sa katawan, kaya’t tumataas ang blood pressure.
 
Nanghihina/ Matamlay
Kapag masyadong madaming asin sa dugo, naglalabas ng tubig sa ating katawan para lumabnaw ang asin. Kaya’t pakiramdam natin ay naghihina.


Hindi lamang mga maaalat na pagkain ang mataas ang asin o sodium chloride. Halimbawa, karamihan ng mga processed foods at mga delata ay mataas ang asin, kahit di mo gaano nalalasahan.
 
Di lamang mga nabanggit na epekto ang maaaring maranasan. Sa katagalan, mapanganib ang maraming asin sa katawan. Halimbawa, tumataas ang tsansang magkaroon ng sakit sa puso, kidney disease, osteoporosis, stomach cancer at stroke.
 
References:
National Kidney Foundation: "Top 10 Tips for Reducing Salt in Your Diet."
Harvard School of Public Health: "Salt and Sodium."
American Heart Association: "How Too Much Sodium Affects Your Health."
 
Harvard Health Publishing: "Fluid retention: What it can mean for your heart."
Better Health Channel: "Fluid retention (Edema)."
Pediatric Nephrology (Berlin): "Is too much salt harmful? Yes."