3 Ulamin para bumaba Sobra Asukal sa Katawan o Pre diabetes

Mahalaga malaman kung may pre-diabetes ka, dahil ito ay nagtataas ng panganib na magkakaroon ng type 2 diabetes, sakit sa puso, at stroke. Ang Pre-diabetes ay isang babala bago mag ka-diabetes, kung saan ang mga antas ng glucose o asukal sa dugo ay mas mataas kaysa sa normal, ngunit hindi pa sapat na mataas para masabing type 2 diabetes.

Kaya lang, traydor ang pre-diabetes, kahit kaka-blood test mo pa lang pwedeng bigla na lamang sumulpot ito anumang oras. At di naman pwedeng magpa-test kana lang ng pa-test kasi magastos, diba??
 
Huwag mag-aalala, may magandang balita kami sa inyo, dahil may mga pagkain na may mababang glycemic index na mahusay magkontrol ng antas ng asukal sa katawan, na mahalaga para sa mga taong may diabetes o pre-diabetes.
 
Ang mabuting balita ay posibleng bawasan ang antas ng asukal at mabawasan ang panganib ng pag-unlad ng mga seryosong kondisyon.
 
Kung ninais babaan ang asukal sa dugo, mabuti ang mga "pagkaing mayaman sa fiber, at mababa sa processed sugars at saturated fats”. Pero ano nga ba ang mga ganitong pagkaing pinoy, na di mabigat sa bulsa?
 
Eto ang minumungkahi namin espesipikong kainin sa isang araw na maaari mong sundin:
 
Almusal:
1.     Brown Rice Lugaw na may manok: Gamitin ang brown rice dahil ito ay mayaman sa fiber kumpara sa puting kanin. Maaari itong lagyan ng kaunting manok para sa protina.
2.     Hiniwang Saging o Mansanas: Mabuti ang mga ito bilang natural na pampatamis at mayaman sa fiber.
 
Meryenda:
1.     Kamote Chips: I-bake ang manipis na hiniwang kamote sa halip na prituhin para mabawasan ang saturated fat.
2.     Tubig: Uminom ng sapat na tubig sa buong araw upang manatiling hydrated.
 
Tanghalian:
1.     Grilled Tilapia o Bangus: Ihaw ang isda sa halip na iprito para mabawasan ang paggamit ng saturated fats. Lagyan ito ng mga sariwang damo o kalamansi para sa lasa.
2.     Ensaladang Talong: Maaaring ihain kasama ng ensaladang talong na may kamatis, sibuyas, at suka bilang dressing.
3.     Brown Rice: Mas mabuti ito kaysa puting kanin dahil mas mataas ito sa fiber.
 
Meryenda sa hapon:
Hiwa ng Papaya o Pakwan: Ang mga ito ay mayaman sa fiber at natural na matamis, na makakatulong sa pagpapababa ng pagnanasa sa mga processed sugars.
 
Hapunan:
1.     Ginisang Munggo: Lutuin ang munggo na may ampalaya at malunggay upang maging mayaman sa fiber at nutrients. Maaaring magdagdag ng kaunting lean pork o hipon para sa lasa at protina.
2.     Steamed Okra o Talong: Magandang source ng fiber ang okra at talong, at mabuti rin ito para sa digestion.
3.     Brown Rice o Quinoa: Muli, piliin ang brown rice o subukan ang quinoa bilang masustansyang alternatibo sa puting kanin.
Tips sa Pagkain:
-       Limitahan ang paggamit ng asin at piliin ang natural na pampalasa tulad ng luya, bawang, suka, at kalamansi para sa flavor.
-       Bawasan ang pag-inom ng matatamis na inumin at palitan ito ng tubig, unsweetened tea, o kalamansi juice.
-       Siguraduhin na kumain ng iba't ibang uri ng gulay at prutas araw-araw para sa sapat na fiber at nutrients.
-       Limitahan ang pagkain ng processed at canned foods na mataas sa sugars at saturated fats.
Ang pagkakaroon ng isang balanseng diyeta na nakatuon sa whole foods, sariwa at hindi naprosesong pagkain, ay susi sa pagpapabuti ng kalusugan at pag-iwas sa pag-unlad ng pre-diabetes patungo sa type 2 diabetes.
 
Pwera dito, meron din mga ibang alituntunin na maaaring sundin:
Regular na Ehersisyo: Ang regular na pisikal na aktibidad ay makakatulong sa pagkontrol ng antas ng glucose sa dugo at pagbaba ng timbang.
Pagbawas ng Timbang: Kung ikaw ay overweight, ang pagbaba kahit na 5% hanggang 7% ng iyong timbang ay maaaring magkaroon ng malaking epekto sa pagbaba ng iyong mga antas ng glucose sa dugo.
Pag-iwas sa Paninigarilyo: Ang paninigarilyo ay nagtataas ng panganib ng diabetes at mga komplikasyon nito.
Moderasyon sa Alkohol: Paglimita sa pagkonsumo ng alkohol.