Ako ay may anak sa isang babae na meron ding anak sa ibat ibang lalaki. Magkano

Ang halaga po ng support ay maraming factors para ma-define. Una, ano ang pangangailangan ng bata? Kasi, kung ang bata ay masasakitin, mas malaki ang need ng bata kaysa sa kung ang bata ay healthy, di po ba?
Pangalawa, kailangan ding i-consider ang capability ng tatay na magbigay ng support. Kung ang ama ay kumikita ng $500 a month pero siya ay may limang iba pang anak, at bukod dito, siya ay kailangan din ng living expenses niya, hindi puedeng ibigay niya ang napaka-laking halaga para sa support ng isang anak kung may iba pa siyang anak na dapat suportahan.
Pangatlo, ang ina ng bata, kung may trabaho o pinagkaka-kitaan, ito din ay factor to consider. Kasi, kung siya ay may source of income, dapat ay hati kayo sa pangangailangan ng bata.
Pang-apat, ang bata ba ay nag-aaral na? Kasi, mas malaki ang gastos ng bata kung ito'y nag-aaral na.
Pang-lima, ano ang standard of living ng ina at ama ng bata? Kasi, kung halimbawa'y sila'y nakatira sa Forbes Park or sa Corinthian Gardens, hindi puedeng ang support na ibibigay ay hindi makaka-support sa kanilang standard of living. Pero, kung sa probinsiya nakatira, mas mababa doon ang standard of living.

Ngayon po, ang pinaka-maigi ay regular ang support. Ito ay kailangang ipadala monthly. Kung may bank account kayong binuksan para sa bata, doon ninyo ihuhulog. Sa ngayon, ang mga bank account ay may ATM at may passbook. Nasa bata o sa ina ang ATM, nasa inyo naman ang passbook. At ang account ay nasa pangalan ninyo na "in trust for" sa inyong anak. Sa ganoon, puede ninyong ipa-update ang passbook tuwi kayo'y uuwi sa PIlipinas. Doon nakasaad ang mga hulog ninyo at petsa ng withdrawal ng babae.
Mas maigi pa nga, kung bigyan ninyo ng check at ito ay ie-encash noong ina or ide-deposit sa isang account. Sa ganon, mailalagay ninyo sa Checke, for the monthly support of our son, Pedro dela Cruz. Tapos, for deposit sa in trust for account ng bata.
Pagka- kasi ganito, mahihirapan ang babae na sabihin na hindi kayo nagpapadala ng suporta.
Tapos, kung halimbawa ay may extra na gastos, halimbawa, nagpa-ospital, nagbayad ng tuition, puedeng ipadala sa inyo ang resibo, o kaya, puedeng cheke ang ibayad ninyo. Ang kailangan ay documentation (may ebidensiya kayo) na kayo ay faithful sa pagpapadala ng support. Kahit na maliit (kasi, kung may anak pa kayo na iba).