ano pong pwde kung ikaso sa isang tao ng nangungutang sakin ng 30k ...nsa pinas

P30,000 lang inutang niya sa iyo? At gusto mo siyang idemanda para makuha ang P30,000? Naku, mas malaki pa diyang ang iyong magagastos sa docket fee, tapos, sa pagpapa-serve ng summons, tapos, tuwi bista, kahit sa small claims court, ikaw ay haharap. Pamasahe mo, oras mo, tapos, hindi ka pa makaka-pag-trabaho sa araw na ikaw ay may bista. So, ang suma tutal, mas malaki pa ang magagastos mo kaysa sa sisingilin mo.
Pero, nasa sa iyo ang pasya. Kung ang gusto mo lamang malaman ay kung puede mo siyang idemanda, oo. Kaso, sa ilalim ng batas, ang mga pagkaka-utang ay dapat naka-sulat ang kasunduan (your agreement must be reduced into writing) para ito ay enforceable sa husgado. Pero, kung hindi aalma ang idedemanda mo, at tanggapin ng husgado ang ebidensiya mong mga resibo noong mga nabayaran mo na, eh, di, magtatagumpay ka.
Ang isang problema lamang na nakikita ko ay kailangang doon ka kung saan ka nakatira mag-sampa ng demanda. Pero kung ang sinisingil mo ay nasa malayo, magkakagastos ka para mamasahe ang bailiff ng husgado para i-serve (halimbawa nasa Mindanao ang sisingilin mo, pamamasahihan mo pa ang bailiff para maipa-receive niya ang demanda doon sa sisingilin mo).
Sa susunod, kung magpapa-utang ka, kailangan ay mayroon kayong kasunduang nakasulat (kahit hindi notaryado). Tapos, kailangan din ay ilalagay ninyo sa kasunduan ninyo kung saan kayo magdedemandahan kung hindi mabayaran ang utang. At kung maaari, huwag kang pumayag kung walang prenda (kahit na cellphone lang o kaya relo) para naman kung hindi mo na masingil, hindi masyadong masakit dahil sa may nakuha ka namang bagay na halos katumbas ang halaga.
Kung hindi na niya mabayaran, sulatan mo siya, singilin mo siya, at kung hindi pa rin siya makabayad, i-inform mo na lamang siya na ang prenda niyang item ay iyo nang ibebenta upang ang halaga ay maging pambayad utang. Usually, kailangan pa ng extrajudicial foreclosure of mortgage, kaso, kung napakaliit naman ng halaga (tulad nito, P30,000) hindi na rin praktikal na magka-gastos ka pa. At malamang sa hindi na niya ito habulin pa.
Magtanong sa abogado at nang maliwanagan mo ang mga options mo.