Bahay namin ng ex GF ko

Ex-girlfriend, so hindi kayo kasal? Ang rehistro ng bahay at lupa ay nasa pangalan mong lahat? Noong bang panahon na binabyaran ninyo ang bahay at lupa, may trabaho ba kayo pareho o ikaw lang ang may hanap buhay?

Kasi, normally, sa dalawang taong hindi kasal ngunit sa kanilang pagsasama ay nakabili sila ng properties, tinatanaw ng batas na ito ay co-owned ninyo. So, lahat ng rules on co-ownership ang mag-a-apply. Ngayon, kung kahit na kayo'y nagsama pero ikaw lang ang may hanap buhay (wari, ang babae ay nag-aaral pa noong mga panahong iyon, o may sakit, o kaya naman ay nag-ma-masters o wala pang hanap-buhay) lalabas na pera mo lamang ang ginastos para ang bahay at lupa ay mabili. So, ikaw lang talaga ang tanging may-ari noon.

Ngayon naman, kung halimbawa'y may pera ang babae (nanalo siya sa lotto o kaya naman ay nakapag-mana siya sa mga magulang niya kaya kahit wala siyang hanap-buhay ay may kuwarta siya), kailangan ay patunayan niya kung how much ang kanyang inambag sa bayarin sa bahay at lupa.

Kung ike-claim niya ang share niya, puede namang bayaran mo na lamang ang kanyang share para sa iyo na ang bahay at lupa. Kung ang bahay at lupa naman ay puno ng bad memories, baligtarin mo, sabihin mo sa kanya, bayaran na lamang niya ang share mo at kanya na ang bahay.

Ang pinaka-maganda ay komunsulta ka sa isang abogadong mapag-kakatiwalaan mo, hindi isang abogado sa internet na pagtatanungan mo lamang kasi, general principles lang puede kong ibigay sa iyo dahil sa hindi ko naman alam ang puno't dulo ng kuwento ng buhay mo. Okay?