BAKIT KUMIKIROT O HUMAHAPDI ANG SUGAT? BAKIT NANGANGATI ANG SUGAT? PAANO MAKAIWAS

Ang pagkakaroon ng sugat saang parte man ng katawan ay isa sa mga nagpapahirap sa tao sa pagkilos. May mga sugat na mababaw lang or daplis. At meron din mga malalalim na sugat gaya ng sugat na kita pati ang laman. Ang pagpapagaling ng sugat sa katawan ay hindi biro. Kahanga-hanga ang mga taong may talent sa paggamot ng sariling sugat. Maliit man o matinding pinsala ang sugat sa katawan, gagawin natin ang lahat maalagaan lang at maiwasang lumala ito. Oras na hindi mabigyan ng mabisang lunas, maaring hahantong ito sa malubha na kondisyon. 

Pinakamasakit na parte ng pagkasugat ay ang una at pangalawang stages. Ito ang sugat na namamaga at nagdurugo. Dito makakaramdam ka ng sobrang hapdi at sakit. Maiging suriin mabuti kung saang bahagi ng ugat at kalamnan sa katawan ang apektado nito. 
Ang ating balat ay konektado sa ating nerves, kaya meron tayong pandama at sensitibo sa bawat mararamdamang sakit.

Sa ikatlong bahagi, ang mga cells ay pupunta sa bahagi ng may sugat at doon sila magsama-sama hanggang sa humilom ang peklat. Makikita natin ito sa kondisyon ng ating sugat. Dito mapapansin natin na unti unting magsasara at matutuyot ang sugat. Mararamdaman mo na ang sobrang pangangati o kiliti ng sugat dahil sa paggaling.

Ang pagkamot sa naghihilom na sugat ay hindi karapat-dapat na gawin dahil mas lalong magtatagal ang paghilom nito o magkakaroon ng di kanais nais na marka sa balat. Baka magkakaroon pa ng impeksyon at magdudulot ng matinding pinsala sa katawan.


Ano ang Dapat Gawin Upang Maibsan ang Pangangati na nadarama?
1. Malamig o cold compress - Ang malamig na temparatura dulot ng yelo ay makakatulong sa pagpigil ng pangangati sa balat.  Maglagay ng malamig na pang-compress sa sugat sa loob ng 20 minuto. Huwag patagalin ng higit sa 20 minuto upang hindi mapinsala ang balat. Kapag wala kang malamig na pang-compress, kumuha ng yelo at ilagay  sa malinis na tela. Huwag ilagay ang yelo sa diretsong sugat mismo.

2. Oatmeal na pampaligo - Ang oatmeal ay nakakatulong sa pagpalambot at pag-alis ng pangangati sa sugat. Makakabili ka nito sa sa botika. Maiiwasan ang pangangati at pagkatuyot ng balat kung gamitin ito. Ipahid ito sa katawan at banlawan ng maligamgam na tubig. Huwag gumamit ng sabon, para hindi matanggal ang nutrisyon ng oatmeal sa balat.

3. Maglagay ng krema na may calamine - Ito ay mabisang pantanggal ng pangangati. Gayunpaman, huwag ilagay ang kremang ito sa bitak na sugat dahil mas lalo itong mairita. Bumili ng ganitong gamot sa botika at ilagay sa sugat kada anim na oras hanggang walong oras kung kinakailangan.

4. Mag-lagay ng moisturiser - Isa sa mabisa ay ang paglagay sa bahagi ng anumang sugat upang hindi mag-dry ang balat.

5. Lagyan ng pantapal ang sugat- kailangang protektahan ang bahagi ng sugat ng benda para hindi masagi ng damit o ng kung ano mang bagay at maprotektahan ito sa anumang bakterya.
 
Gabay sa Tamang Paglagay ng Gamot o Medikasyon.
 1. Gumamit ng cream - ang neosporin ay isang uri ng krema at ito ay gamot sa pangangati ng sugat.  Nakasaad sa kremang ito na mabisang pumapatay ng bakterya na dahilan ng pangangati. Gumamit ng 3 beses sa isang araw o batay sa payo ng doktor.
 
2. Gumamit ng krema na may maliit na porsyento ng trydrocortisome - Ang kremang ito ay gamit sa pagamot ng namamaga at makating balat.
 
3. Bumili ng antihistamine sa botika - Ang antihistamine ay pumapatay ng bakterya at mabisang gamot para mapangalagaan ang sugat. Ang benadryl at claritin ay mabisang halimbawang gamot na naangkop dito. Mahalaga ang bilhin na gamot ay hindi nakakahilo at gamitin ito batay sa nakasaad na gabay sa paggamit nito.
 
4. Iwasang kamutin ang sugat – Ang pagkutkut sa sugat ay hinding mabisang gawin, baka matagalan ang paggaling ng sugat. Pero kung hindi mo na mapigilan ang pangangati, gumamit ng malambot ng tela sa pagkamot. Iwasang gamitin ang mga mahahabang kuko dahil magdudulot ito ng pinsala sa sugat.
 
5. Putulan ang kuko - mahalagang maputulan ang mga kuko upang hindi lumala ang sugat. Maaaring hindi mo namamalayan ang pagkakamot sa nangangating sugat sa gabi.
 
6. Laging gumamit ng moisturiser sa balat - Ang paglagay ng moisturiser sa balat ay mabisa sa pagpapatigil ng pagtuyot ng balat at maibsan ang pangangating nararamdaman. Palagian maglagay nito pagkatapos maligo o maghugas ng kamay para maging malambot ito.
 
 
7. Alamin kung kailangang magpakonsulta sa doctor - Kapag matindi na ang pangangating nararamdaman at naimpeksyon na ito. Kailangan ng magpatingin sa doktor, lalo na kung mararamdaman mo ang pagtindi ng sakit sa sugat, pagkakaroon ng lagnat, pamamaga ng bahagi ng sugat at pagnana na may mabahong amoy.