Bakit kelangan ng Bacteria sa Katawan?

Takot at naiinis tayo sa bacteria, dahil maraming sakit at impeksiyon ang nadudulot nito, bata ka man o matanda. Kaya’t naghuhugas tayo ng kamay bago kumain o nag-aalchohol. Kaya nililinis din natin ng mabuti ang banyo o ang mga lugar sa bahay na madumi o may germs.

Ngunit hindi lahat ng bacteria ay masama. Sa katunayan, mayroong mga 1 trillion na good bacteria sa loob ng ating katawan. Trillion ha, at di milyon. Ibig sabihin, isang milyon na isang milyon o 1 milyon times 1 milyon. Di lang nakakabuti sa katawan itong mga good bacteria na ito, kundi kelangan natin mga ito para mabuhay.
 
Halimbawa, tinutulungan ng good bacteria ang ating katawan na magtunaw ng pagkain at magsipsip ng sustansya na kelangan ng katawan. Pinoprotektahan din ng mabubuting bacteria ang ating katawan sa mga masamang bacteria, sa pamamagitan ng paggawa ng asido na nakakapigil sa kanilang pagdami at pagpalakas ng ating immune system o resistensiya.
 
Tagapagtanggol ng ating katawan ang good bacteria. Ngunit kapag umiinom tayo ng mga antibiotics para patayin ang mga masasamang bacteria, namamatay din ang mga good bacteria. Kaya’t nawawalan ng balanse ang ating katawan at maaaring magkaroon ng problema sa tiyan, sa pagtunaw ng pagkain na nagsasanhi ng pagtatae.
 
Mayroong mga pagkain na naglalaman ng good bacteria. Ang tawag dito sa mga pagkaing ito ay probiotics. Halimbawa ng mga ito ay ang:
-       Yogurt
-       Atchara
-       Dark Chocolate – Matutuwang malaman ng mga mahilig sa tsokolate na nakakatulong sa pagdami ng good bacteria ang cocoa, na sangkap ng dark chocolate. Tandaan na ang tinutukoy dito ay ang dark chocolate at hindi ang mga ordinaryong milk chocolate. Siyempre, ingatan din na wag mapasobra ang kain ng dark chocolate, dahil kahit anong pagkain ay napapasama kapag naparami.
-       Cheddar cheese – May nilalaman din daw na probiotics ang cheddar cheese. Ngunit ingatan rin na wag mapasobra ang kain ng cheddar cheese, dahil nakakataas ito ng kolesterol sa katawan.
Mayroon ding mga binebentang probiotics supplements na pwedeng inumin, ngunit hindi ito pinapayuhan, dahil marami nito ay hindi safe at epektibo. Mas mabuti nang kumain nalang ng mga natural na probiotics na binanggit.
 
Ano ginagawa ng good bacteria?
-       Tumutulong sa pagtunaw ng pagkain
-       Kino-control ang pagdami ng bad bacteria, para makaiwas sa sakit
-       Tumutulong sa pagpasok ng nutrisyon at sustansya sa katawan