Bakit Sinisinok Ako? Bakit tayo Sinisinok? Dahilan ng Hiccups Dapat GAwin Upang Mawala Sinok Sido

Magkakaroon ng sinok ang isang tao kung sa kanyang paghinga ay may hangin na biglang bumara sa baga. Ito ay normal lamang na nangyayari sa bawat tao. Ngunit kung madalas na ang pagsinok, ito ay may seryosong problema sa kalugusan.
 
Ang sinok ay isang kondisyon kung saan sumisikip ang kalamnan sa ilalim ng baga na kung tawagin ay diaphragm. Ang bawat pagsikip ng diaphragm na sinusundan naman ng biglaang pagsasara ng mga vocal chords kung kaya't nagkakaroon ng matining tunog na “hik” sa bawat pagsinok.
 
Ang sinok ay tinatawag sa medikal na pangalan na “synchronous diaphragmatic flutter” (SDF) o singultus ito ay ang paghabol ng sariling hininga o magkakasabay na pagpintig ng diaphragm.
Lahat ng tao ay maaring maapektuhan ng sinok. Wala rin pinipiling edad ang pagkakaroon nito, ngunit ayon sa pag-aaral, mas mataas ang kaso ng pagkakaroon nito sa mga kalalakihan. Ang normal na sinok ay tumatagal lamang ng ilang minuto at hindi nangangailangan ng gamutan. Ngunit sa ibang kaso, maari itong tumagal ng ilang araw o buwan.
 
Tumatagal ito ng higit sa dalawang araw o 48 na oras at tinatawag na persistent hiccups samantala ang sinok na umaabot sa isang buwan ay tinatawag na intractable hiccups. Ang pagkasinok ay kadalasang sintomas ng ibang seryosong sakit sa ating katawan.
 
Mga dahilan ng Pagsinok:
·         Pagkain ng mga maaanghang na pagkain na maaring maging resulta ng iritasyon sa ugat o maaring baguhin ang regular na paghinga
 
·         Pagkaroon ng gas o hangin sa tiyan
 
·         Pagkain ng sobra
 
·         Pag-inom ng mga alak, sodas o softdrinks.
 
·         Pagkaranas ng stress o matinding emosyon o problema.
 
Ang paulit-ulit na sinok na umaabot sa mahigit 48 hours ay sanhi ng mga sumusunod:
·         Pagkapinsala o iritasyon ng ugat- Isa sa mga dahilan ng matagal na pagkawala ng sinok ay ang pagkasira o pagkaroon ng iritasyon sa Vagus Nerves o Phrenic Nerves. Ang sumusunod ay maaari isa sa mga dahilan ng pagkapinsala ng ugat:
- May buhok o may bagay na nasa loob na dumadampi sa eardrum.
- Pagkakaroon ng goiter sa leeg.
- Sakit sa lalamunan o Laryngitis
- Pagkaroon ng Gastroesophageal Reflux o GERD
 
·         Pagkakaroon ng karamdaman na nakakaapekto sa utak- Ang pagkontrol o pagpigil sa pagsinok ay dinidikta rin ng mismong utak. Ang pagkakaroon ng anumang karamdaman dito, ay maaring makaapekto sa haba ng panahon ng pagkakadanas ng sinok katulad ng mga sumusunod: encephalitis, meningitis, scelerosis, pagkastroke at pagkakaroon ng tumor, o pagkasira ng utak.
 
·         Mental o Emotional Disorder- Ang sinok ay maari ring mangyari sa mga taong may paulit-ulit na mga isyu sa kalusugan ng isip tulad ng pagkaroon ng disorder, at autism.
 
·         Surgery o Operasyon- nakakaranas ang iba ng sinok pagkatapos maoperahan dahil  nakakaapekto ito sa gana ng pagkain, pagtulog, pagsasalita, at paghilom ng sugat.
 
Ang mga iba pang sanhi ng matagalang pagsinok ay ang mga sumusunod:
Pagkalulong sa alak
Pagkakaroon ng diabetes,
Paggamit ng steroids
Tranquilizer
Barbiturates
Pagkaroon ng sakit sa bato o kidney.

Ang mga lalaki ang mas madalas na apektado at may mataas na bilang sa pagsinok kaysa mga babae.
 

Mga Alternatibong Gamot na Matatagpuan sa Loob ng Bahay
·         Ang pag-inom ng malamig na tubig ay nagbibigay ng shock sa ating katawan. Mababaling sa pagkabigla ang ating isipan at mawawala sinok.
 
·         Sapat na pagpigil sa paghinga sa loob ng ilang segundo. Ang pagpigil ng hininga ay makakaipon ng carbon dioxide sa blood stream.
 
·         Habang kumakain o ngumunguya panandaliang takpan ang ilong o dalawang tenga.
 
·         Paglagay ng pressure sa tiyan.
 
·         Pagkagat ng lemon o pagsimsim ng katas nito ay magbibigay ng matinding reaksyon sa ating isipan upang mapigilan ang pagsinok.
 
·         Mainam naman sa mga bata ang asukal. Iwan sa bibig ang isang kutsaritang asukal at hayaang matunaw ng hindi ito nginunguya nakakatulong ito sa pagpapatigil ng pagsinok.
 
·         Pag-inom ng konting suka o haluin ito sa tubig at inumin ng dahan-dahan.
 
·         Isa pang matagal ng mabisang solusyon sa sinok ang paghinga sa loob ng papel na sisidlan. Huminga ng malalim at dahan-dahan sa brown na paper bag.
 
·         Pag-abante ng katawan upang marelaks ang masel o dibdib
 
·         Hagurin palabas ang dila
 
·         Pagkusot sa mata
 
·         Pagsagawa ng accupuncture o hypnosis ay isa ring mabisang pamamaraan
 
·         Pagmasahe ng daliri sa leeg at malumanay na pisilin ito.
 
Ang mga alternatibong pamamaraan na ito sa paggamot sa sinok ay naisasalin o namamana ng mga bagong henerasyon, pero kailangan ng masusing pagsusuri at pag-aaral dito. Kung ang pagsinok ay masyado nang matagal at nakakaapekto at nakakasagabal sa araw-araw na gawain, maaring magpasuri o komunsulta sa doktor.