Gulay na Nakakataas ng Blood sugar: Starchy at Non-Starchy vegetables

Alam naman natin na puno ng fiber at nutrients ang mga gulay, na nakaka-kontrol ng blood sugar. Ngunit maraming di nakakaalam na may tinatawag na starchy at non-starchy vegetables. Dahil ang mga tinatawag na starchy vegetables ay mataas ang laman ng carbohydrates. At kung mataas ang carbohydrates, mas mataas din ang nagiging asukal o glucose sa ating katawan.
 
Di naman sinasabing bawal kainin itong mga starchy vegetables, ngunit dapat limitahan ang pagkain ng mga ito, kasi maaaring makataas ng blood sugar ang mga ito kapag naparami. Kaya’t pinapayong one-fourth lamang ng plato ang starchy vegetables na kakainin.

Narito mga starchy vegetables na mabuting limitahin para makaiwas sa pagtaas ng blood sugar:
 
5. Gisantes
Masustansya ang gisantes kumpara sa ibang starchy vegetables, ngunit meron itong 20 grams ng carbohydrates bawat tasa. Kaya’t wag mapasobra ang kain nito.
 
4. Mais o Corn
Ang kalahating tasa ng mais ay merong mga 21 gram na ng carbohydrates, at wala pang 3 grams na fiber. Kaya’t mas mabuting kaunti lamang ang kainin. Para mabusog, maaaring gawing side dish ang mais, na ipapares sa karne.
 
3. Kalabasa
Masustansya ang kalabasa, ayon sa matatanda, at totoo naman ito. Ngunit kelangan ingatan ang pagkain ng sobrang kalabasa, dahil mayroong mga 15 grams ng carbohydrates ang isang tasang kalabasa, at kaunti lang fiber. Kaya’t mas mabuting wag maparami ang kain ng kalabasa, at kapag gutom pa, maberdeng gulay nalang kainin.
 
2. Patatas
Linggid sa kaalaman ng marami, ang patatas ay isang gulay ayon sa botany. Itinuturing ding starchy vegetable ang patatas, na mataas sa carbohydrates. Kaya’t wag mapasobra ang kain ng patatas. Halimbawa, maaaring kumain ng isang tasang patatas bilang kapalit sa kanin.
Ganoon din ang kamote o sweet potato. Iwasan lalo na ang mga processed potatoes tulad ng French fries at potato chips, dahil may halo ito ng taba at napaparami ang kain kapag naumpisahan.
 
1. Vegetable Juice
May mga juicers na ginagawang likido ang gulay, para mas mabilis inumin, kaysa kakainin. Baka magtaka kayo, dahil parehas lang ang gulay sa ginawang vegetable juice, di ba? Hindi po. Dahil pag ginagawang juice ang mga gulay, nababawasan ang fiber nito, na mabuti sa kalusugan. Kapag gustong mas mabilis nguyain ang gulay, mas mabuting gumamit nalang ng blender, imbis na juicer.
 
Ayon sa mga nutritionists, mabuting kumain ng mga non-starchy vegetables tulad ng mga maberdeng gulay. Halimbawa nito ang kangkong, asparagus, cauliflower at brocolli, na mayaman sa nutrisyon, fiber at anti-oxidants, na di nakakataas ng blood sugar level, o tinatawag na low glycemic.