Masasampahan ng kaso kung may unpaid loan sa HK?

Ang galing naman ng mga lending investor na iyan manakot. Malamang sa ang nangyari, ang lending investor ay mayroong opisina dito sa Pilipinas. Kaya kung ang mga OFW sa Hong Kong ay mangutang, may opisina dito sa Pilipinas na maniningil.
Sa totoo, talagang manghaharass lamang sila at manghihiya kasi, pera-pera lang iyan. At, nabayaran mo nanaman ang malaking bahagi ng utang. Sabihin mo sa mga magulang mo na kapag pumunta sa bahay ninyo ay huwag papasukin, o kaya, kung tumawag, lalo na sa cellphone, i-record ang phone call at ang pananakot o panghaharass. Dahil sa puede itong gamiting ebidensiya kung kayo ay magsasampa ng reklamo laban sa kanila.
Malamang kasi na labis-labis ang kanilang sinisingil sa allowable na rate of interest. Kaya, kung ikaw ang papalag, malamang sa sobra-sobra pa ang nabayaran mo na. Kasi, usurious ang kanilang interest rate at saka, hindi sila nagsagawa ng financial disclosure -- kung magkano talaga ang sisingilin sa iyo na effective rate of interest. Ito ay requirement ng batas.
Kaya, hindi sila talaga makaka-pag-demanda laban sa iyo, kaya, haharass-in ka na lang nila. Hanggang sa babayaran mo na lamang at nang ikaw ay tantanan na nila.
Isangguni mo din sa mga abogado sa Public Attorney's Office, ipakita mo sa kanila ang iyong mga papeles at nang makapag-bigay sila sa iyo ng payong legal.