Nangangasiwa ng bukid, hatiin ang bukid sa magkakapatid, mahirap na trabaho, di tinanong desisyon pumirma

Ang isang lupang hahatiiin sa mga magkakapatid ayon sa kanilang pamana ay isang co-ownership habang ito ay hindi pa napa-partition. Kasi, ang unang gagawin ay iyon lamang pag dedeklara ng hatian (shares, 1/6 bawat isa sa 6 na magkakapatid). Ngayon, since ikaw ang nangangasiwa, kung ikaw ay hindi binayaran ng iyong suweldo bilang tagapangasiwa, may karapatan kang hingin na ikaw ay bayaran muna ng iyong mga kapatid noong iyong nagastos para sa lupang ito noong panahong hindi pa ito nai-babaha-bahagi sa inyo.

Kung may mga resibo ka noong iyong binayaran (kunwari sa pagpapa-bakod, sa pagbili ng palay, abono, pambayad sa buwis, sa amelyar, etc.) dapat ay bigyan mo sila ng kopya at ikaw ay bayaran nila para sa iyong serbisyo dahil sa inalagaan mo ang lupa para buo ito at matiwasay na mailipat sa inyong pagmamay-ari.

Pero, hindi mo puedeng ipilit na lupa din ang ibayad sa iyo. Ngayon, kung may reklamo ka sa lugar na napunta sa iyo sa hatian, dahil sa ito'y nasa gitna, ikaw naman ay may karapatang humingi ng tinatawag na right-of-way para ikaw ay makaraan mula sa iyong bahagi patungo sa kalsada. At hindi maaaring ikaw ay tanggihan.

Sa totoo, hindi dapat magkaroon ng partition ng lupa kung walang extra-judicial settlement of properties muna. Doon sa extra-judicial settlement dapat ilagay na ikaw ay may claim para sa reimbursement ng iyong mga gastos doon sa pangangasiwa noong lupa.

Kumuha po kayo ng abogado. Kailangan ninyo ng abogado upang kayo'y lubusang mapayuhan at nang ang inyong mga karapatan ay lubusang ma-protektahan.