Ask financial Support for our son - using father's surname

Well, ang ama ba ng iyong anak ay citizen o permanent legal resident sa Canada? may work visa ba siya doon o siya ba ay TNT?

Kaya ko naitanong, ang Canada ay isang welfare state. Mayroong mga ahensiya ng gobyerno na puwede mong lapitan para mag-demand ng karapatan ng iyong anak para sa support. Kung ang ama ay isang legal permanent resident o siya'y may employment visa, siya ay magbabayad ng Tax. Therefore, ang kanyang kinikita ay under scrutiny ng gobyerno ng Canada. So, kung ikaw ay maghabla sa kanilang child protection services (hindi ako masyadong familiar sa pangalan ng child support agency nila. Sa Australia, ang tawag sa office na iyon ay Centrelink). Sila ang ko-contact sa ama ng bata, doon ka magsa-submit ng mga required documents to prove na talagang anak siya noong tao. Sila din ang magko-compute kung magkano ang nararapat na amount ng support. Doon din sa kanilang trust fund ihuhulog ng lalaki ang kanyang monthly support at sila din ang mag-i-issue sa iyo ng account number at ATM.

Ang Canada kasi, kasama ang Australia, Scandinavia, Japan at UK ay mga child-friendly governments at ayaw nilang ang mga bata ay napapabayaan ng mga taong nag-anak sa kanila. Dahil sa kung hindi susutentuhan ng mga magulang ang kanilang mga anak, mas makakadagdag sa gastusin ng gobyerno ang mga bata dahil sa sila'y magiging "looked after children" -- so, masugid nilang sinusubaybayan ang mga conduct noong mga "dead beat" na mga ama na nagsusupling at basta na lamang iiwanan ang mga anak.

Magtanong sa Canadian Embassy. May desk sila para sa social welfare. Mag-Google ka. Kailangan kasing malaman ang particular na mga facts patungkol sa ama ng bata para siya'y mahanap. Baka rin ikaw ay i-require na maghabla for support dito sa Pilipinas.

Sa Pilipinas, bukod sa civil na action para kumolekta ng suporta, ito din ay may kaakibat na criminal aspect -- ang hindi pag-sustento sa sariling anak ay isang form ng "abuse" against women (pagpapahirap sa buhay ng mga babae) and their children (child abuse or pagmamaltrato ng bata).