Ang parental authority ay isang natural na karapatan ng isang magulang. Ang parental authority ay puedeng i-surrender or i-waive ng isang magulang formally, kung pipirma siya ng consent for adoption. At puede din itong i-waive ng ina kung iwanan niya ang mga anak niya, hindi na siya magpa-kita at hindi na niya padalhan ang mga ito ng suporta lalo na kung hindi naman OFW ang ina at narito lamang sa Pilipinas. Kung halimbawa'y hindi na man lamang siya nagte-text, hindi tumatawag, hindi nakikipag-chat or nag-e-email sa kanyang mga anak.
Ito ay mga patunay na ang mga bata ay abandoned na ng kanilang ina. Ngayon, dahil sa ikaw ay blood relative ng mga pamangkin mo, ikaw ay may karapatang mag-ampon sa kanila kung ikaw ay hindi disqualified. Halimbawa, kung ikaw na ang nagpapa-kain, nagbibihis, nagpapa-aral at total na sumusuporta sa kanila, ikaw na ang talagang tumatayong ina nila kahit na malayo ka pa. Lalo na kung ikaw din ang sumusuporta sa iyong kapatid na kanilang ama dahil sa siya'y na-disable.
Ikaw ba ay married? Ikaw ba ay may mga anak din na sarili mo? kasi, kung meron, kailangan mo ng consent ng iyong husband at ng iyong mga anak. At kailangan na ang social at child services sa Japan ay makipag-ugnayan sa inyo para gumawa sila ng recommendation na kung ikaw ay mag-aampon ng bata, hindi kayo mamumulubi at magiging alagain ng gobyerno ng Japan. Kung kailangan mong dalhin sa japan ang mga bata, kailangan ay may sapat kang lugar para sa isang bata. kailangan ay may trabaho kang permanente para suportahan ang bata. Kung hindi mo naman dadalhin ang bata para tumira kasama mo sa Japan, bakit mo pa kailangang ampunin ang bata? Puede namang magpa-dala ka na lamang sa kanila ng regular para sa kanilang sustento.
You will need to file a petition for adoption. You will need a lawyer. You will also have to check because if you are married to a Japanese citizen, this will be under Inter-country adoption. Kung hindi ka married, actually, medyo kailangan mong i-justify ang intention mo to adopt kasi, kung wala kang asawa, kung ikaw ay magkasakit o mabalda, sino ang titingin sa bata? Usually kasi, couples and families are prioritized in inter-country adoption. Ang mga single, medyo, dumadaan sa butas ng karayom dahil sa may mga pedophiles at mga human traffickers na nananamantala ng adoption process.
Ang pinaka-malakas mong dahilan para mag-ampon ay, ang mga magulang ninyo ay matanda na, may sakit at hindi na kaya pang mag-alaga ng bata. Ang kapatid mo ay ganoon din. Kaya, obligasyon mong ampunin ang isa sa iyong mga pamangkin para mabigyan ito ng mas maganda-gandang kinabukasan.
Please get a lawyer.
