Paano po ba ang mabilis at murang proseso sa pag aampon ng kamag anak (pamangkin

Para po maliwanagan ninyo ang proceso ng adoption, basahin po ninyo iyong aking post tungkol sa adoption, dito din sa website na ito. Hanapin lang po ninyo ito sa ilalim ng Family Law.

Ngayon po, maaari pong mag-ampon ng pamangkin. Iyon nga lamang, dadaan pa po kayo sa husgado dahil po kailangang makita ng husgado na kusang loob na ipina-pa-ampon ng ina ang kanyang anak sa inyo. Ngayon po, iyon pong biological father, kailangan din pong pumayag (consent) sa adoption. Kung siya po ay hindi papayag, kailangan pong i-prove ninyo na siya ay nag-abandon na ng kanyang mga anak na dahilan nga upang ipa-ampon noong ina ang kanyang anak.

Isa pa po, kailangan din po ninyong mai-prove sa husgado na kayo'y may sapat na kakayahan (emosyonal at pinanasiyal) na sumuporta at magpa-laki ng bata.

Dahil po naman sa ang bata ay ka-dugo ninyo, medyo mas lenient ang mga husgado lalo na kung ang bata ay sa inyo na lumaki at kayo na ang itinu-turing ng bata na mga magulang.

Ang pinaka-maigi po ay maghanap kayo ng abogado na may experience sa Family Law. Bago na po ang mga batas at procedure sa Adoption. Matagal-tagal din po ito kasi po ay kailangan pa po na gumawa ng study ang DSWD sa bata, sa inyo, sa ina, at gumawa ng recomendasyon sa husgado.

Komunsulta sa isang abogadong malapit sa inyo.