Magkano ba bayad at fees para maghain ng Legal Separation?

Ano'ng bayarin? Sa husgado ba? Iyong tinatawag na docket fee? Kasi, ganito iyon, kung legal separation ang iyong ihahain na demanda, at may mga properties kayo, ang value ng properties na paghihiwalayin ninyo ang magiging basis ng kung magkano ang babayaran ninyong docket fees.

Kung ang babayaran naman sa abogado, depende din. Kasi, kung legal separation at may properties, kung may pre-nuptial agreement, kung may mga bata, kung paglalabanan ang custody ng mga anak, lahat ito ay criteria para sa babayaran ninyong acceptance fee sa abogado. At bukod sa acceptance fee, ang ibang abogado ay sumisingil din ng appearance fee. Kung ang abogado ninyo ay galing pa sa Maynila, at ang inyong kaso ay dinidinig sa probinsiya, baka mas mataas ang singil na appearance fee kasi, para sumipot sa hearing ninyo, may mga hearing siyang hindi mapupuntahan sa Maynila.

At sa huli, nais ko lang na sabihin na ang legal separation ay iba sa annulment of marriage or sa declaration of nullity. Kasi, sa legal separation, kayo ay kasal pa rin sa papel pero, hindi na ninyo kailangang magsama pa. At wala nang paki-alamanan sa mga pera o ari-arian. Pero iyong annulment at declaration of nullity, ang kasal ay pinawawalang-bisa. So, malaya kayong magpakasal sa iba. Sa ilalim ng legal separation, hindi kayo malayang magpakasal sa iba.

For your peace of mind, consult a lawyer and ask for a quotation, kung magkano ang maaari niyang singilin sa iyo.