Gusto ko po sanang idulog sa inyo ang issue ng sapilitang pagbibenta ng minanang bahay at lupa mula sa aming mga magulang. Patay na po ang mga parents namin at hindi pa po naita transfer sa aming magkakapatid ang titulo at ako po ang may hawak ng original title. Ganito po ang issue...kami po ay 10 na magkakapatid at present ako po at ang aking 2 anak ang nakatira dito sa bahay ng aming mga magulang. Ang dalawa sa mga kapatid ko ay may nakatirik na tig isang separadong bahay sa likod ng compound. Isang matandang binata at isang kapatid na babae na hiwalay sa asawa at may dalawang anak.
Sa madaling salita po, dahil sa personal na hidwaan namin nitong kapatid kong babae ako po ay pini pressure nya na ibenta na itong bahay at lupa. Hindi po ako sang ayon sa ngayon dahil marami na rin po akong nagastos sa improvement nitong bahay at nandito po ang aking hanapbuhay at isa pa wala po kaming bahay na malilipatan. Sabi ng iba kong kapatid ke ibenta o hindi ay okay lang sa kanila go with the flow lang sila kumbaga. Alam ko naman po na pantay ang karapatan naming magkakapatid sa mana na ito kung sakali man maibenta.
Pero ang tanong ko po ay ito....maari bang sapilitang ibenta ang bahay at lupa kung isa man po sa aming magkakapatid ay di sang ayon na ibenta ito sa kasalukuyan? Kinokonsider po ba ang majority rule sa mga ganitong usapin?
Thank you in advance po sa inyong pagtugon.