Can we get jailed if bank loan is not repaid? Kung ang isang loan mo sa bangko ay hind nabayaran, ikukulong ba kami?

Una sa lahat, walang nakukulong sa Pinas ng dahil lamang sa pagkaka-utang. Kung sa bangko kayo nangutang, ang inyong utang ay covered ng isang Real Estate Mortgage. Ibig sabihin, ang inyong lupa ay ginawang prenda o security, o kasiguruhan na mababayaran ang loan.

Natural lamang na kung kayo'y hindi maka-bayad, magpapadala ng sulat ang banko. kasi, kailangan silang mag-demand na bayaran ninyo ang utang bago sila maka-kilos na i-foreclose ang mortgage.

Mayroon din kayong pinirmahang promissory note. Kaya sumulat ang legal ng banko, para hingin na kayo'y magbayad, dahil sa hindi sila maaaring magsampa ng kaso na collectio o di kaya'y foreclosure o mortgage kung hindi muna sila gagawa ng demand letter.

Requirement kasi sa batas ang demand letter bago makapag-sampa ng civil case (hindi criminal case) para sa collection noong loan o kaya'y para mapa-sa-kanila na lamang ang lupa na iprinenda ninyo.

Ang mangayayari niyang, makukuha ng banko ang inyong lupa bilang pantubos o pambayad sa inyong utang. Ang inyong lupa ay maiilit. At ang pag-mamay-ari nito ay ililipat ng husgado sa banko.

Kailangan ninyo ng abogado upang mapangalagaan ang inyong mga karapatan. kasi, kung maibebenta ang lupa sa halaga na mas malaki doon sa halaga noong utang -- you are entitled doon sa sobra.

At kung manalo ang banko at ma-ilit nila ang inyong lupa, kayo ay may isang taon na redemption period mula sa petsa ng foreclosure sale. Ibig sabihin, kahit na nagpasya na ang husgado na i-bigay sa banko ang inyong lupa dahil sa hindi ninyo nabayaran ang utang at na-benta na ang lupa at ang tanging bidder ay ang banko, puede pa ring maibalik sa inyo ang lupa basta't bayaran ninyo ang judgment award ng husgado.

Kung halimbawa'y tumama kayo sa lotto, I think lang na maluwag na ibabalik ng banko sa inyo ang lupa ninyo basta't bayaran ninyo ng buo ang inyong utang, plus interest, plus cost. Puede namang pag-usapan at tawaran ang inyong babayaran basta't cash.

Kung kayo nga ay sigurado na magkaka-pera naman sa hinaharap, puede naman din ninyong ipa-restructure ang inyong loan. O kaya, ilipat ninyo ng banko ang utang. Bale, bibilhin ng pangalawang banko ang utang ninyo doon sa unang banko -- yun nga lang, tataas at lalaki ang inyong utang at interes na babayaran.

Komunsulta sa abogado sa lalong madaling panahon. Huwag magpa-atay-atay. Mabibilis ang mga banko ngayon.

P.S. nalimutan kong sabihin na ang mga bank ay "kuyog". kapag ikaw ay hindi nakapag-bayad ng utang sa isang banko, maaariing kayo ay ma-blacklist. Ibig sabihin nito, kapag kayo'y nangutang muli sa future, at kayo'y gamitan ng background or credit investigation ng banko at nakita na minsan ay hindi kayo nagbayad ng inyong utang, baka hindi kayo pautangin sa future.

Ang maaapektuhan ay ang inyong credit standing. Tatanawin kayo ng ibang mga banko na credit risk kasi, minsan ay hindi kayo nakapag-bayad ng isang utang.

Hi, Gusto ko lang pong itanong kung makukulong po ba ako dahil hindi ako nakapag bayad ng loan? Kumuha po kasi ako ng Gadget sa isang Nag papautang tapos po hindi po ako nakabayad dahil sa nawalan ako ng trabaho? may pumunta po sa bahay namin ang sabi eh nasa legal office na daw po yung kaso ko? 19,000 thousand po lumalabas yung utang ko. Please paki sagot po salamat.

meron po akong natitirang 2 months na natitira sa loan ko sa bank, dapat tapos na iyon noon pang jan. 2015. Hanggang ngayon ay hindi ko pa ito na settle dahil sa wala pa akong pera. nakatangap na ako ng final demand letter, willing naman po akong magbayad pero pwede ko po bang ipawaive ang lahat ng charges dahil from orginal balance na 12,000 ang nasa demand.letter ay umabot ng 33,000. please need your advise..

hello atty tanung kulang po kung my nakukulong po ba sa auto loan from bank. napa assume ko po ang kotse tapus nag assume sa akin benenta nya ulit sa iba dahil nagepit din at nagka pasa pasa na po yung kotse sa ibat ibang tao tapus po hindi na po updated monthly amortization. at hindi na po ma trace kung saan na ang kotse. sandamakmak po na rerecieved kung letter text and call from a collection agency. tina try ko pong bawiin ang kotse pero hindi ko po alam paano bawiin. naka name po sa akin ang kotse atty. makukulomg po ba ako atty. paano po pag hindi ko naibalik ang kotse sa banko. anu po ang maari kung gawing hakbang ? salamat po

hello po paano po ba mag file ng bankcrupcy para po wag mahatak ang aming kotse.