Lupa ng mga magulang ko na walang titulo, pinag-interesan ng kamag-anak at pinagawan ng titulo na wala po kaming alam. May laban pa po ba kami?

May lupa po mga magulang ko na namana pa sa mga lolo at lola ko na walang titulo. Pinag-interesan po ng kamag-anak namen at pinatitulo po niya ito na wala kaming alam. May dumating na lang pong sulat na galing sa abogado ng kamag-anak namin at kasama po sa sulat yung xerox ng titulo. Nakasaad po sa sulat na galing sa attorney na sila na po ang may ari ng lupa at pinahintulutan lang po kaming tumira don ng libre, pero oras na kailangan na nila yung lupa, kailangan na po naming umalis. Binigya po kami ng 30 days para lumisan. Humigit kumulang po sa 1.2M ang nagastos kasama po ang 300k sa ibang gastos gaya ng consolidation., Hindi po kami sinabihan sa ginawa niyang pagpapatitulo, at ngayon po ginigipit niya kami. Dahil po sa nangyari, sinangguni na po namin sa aming kapitan at napakiusapan po siya ng aming punong barangay kung pwede nalang hulug hulugsan yung nagastos niya dahil wala na po kaming laban dahil nandyan na po ang titulo na ngoapatunay na siya na may ari ng lupa. Binigyan po niya kami ng 6 buwan para ibalik ng buo yung lahat ng nagastos niya. Kung di daw po namin maibigay ng buo yung lahat ng ginastos niya, paaalisin na po kami sa ayaw at sa gusto namen.Mahirap lang po kami at walong pamilya po ang kasama namin sa lupang yon. Hindi po kakayanin ang bayad na hinihingi niya sa loob ng anim na buwan. Ano po ang magandang gawin o may kakaunting pag asa pa po ba kami o laban? Dahil nangahas po siyang magbayad ng ganong halaga na di kami sinabihan. Siya po ang may pera kaya nagawan po niya lahat, gumamit pa siya ng koneksyon dahil dati po siyang kapitan ng aming barangay. Wala man po kameng hawak na titulo pero madami pong makakapagsabi na buhat ng taong 1930 mga lola ko na po ang naninirahan don. Ano po ang pwede naming panlaban sa kamag anak naming naglabas ng maraming pera para magpatitulo? May laban po ba kami kahit na may hawak na silang titulo na nagpapatunay na sila na ang may ari sa lupa namin?Sana po matulungan nyo po kami.