Maagang Signs na malapait ka na Yayaman

Ang palmistry o pagbasa ng palad ay di pa napapatunayan ng siyensiya na nakakahula ng kapalaran. Ngunit napatunayan ng mga eksperto, na maaaring makapagbigay satin ng kumpiyansa, ang mga positibong prediksyon. Dahil na-eenganyo tayo, sa ating kilos at ugali, na gumawa ng hakbang, patungo sa ating ninanais makamtan. Ang tawag ng mga sociologists dito ay ‘Self fulfilling prophecy’. Halimbawa, pag sinabi ng prediksyon na yayaman ka, aasahan mo ito dahil sa iyong paniniwala na totoo ito. Kaya’t di mo namamalayan na pinapatotoo mo na pala ito, sa mga maliliit na ginagawa at hakbang mo araw-araw.
 
Narito mga signs na yayaman ka, base sa palmistry at fortune reading:
1.     Semi-circle o Kalahating bilog– Kapag pinagsama ang iyong dalawang palad at may nakitang parang kalahating bilog, maaaring senyales ito na may parating na malaking pera sa buhay mo. Maaaring sign din ito na di ka mahirapan sa pagkaroon ng pera sa buhay mo.
2.     Triangle o tatsulok – Kapag may linya na mula sa gitna ng iyong hintuturo at iyong hinlalaki ay naghilalay para bumuo ng tatsulok, napaka-aswerte mo raw pagdating sa pera. Dahil ikaw ay may angking talino na maintindihan kung paano magka-pera at yumaman. 
3.     Money line – Kapag nakabukas ang palad, may makikitang mga linya sa gitna ring finger at hinliliit. Kapag raw malalim at malinaw itong mga linya, di raw mahihirapan ang taong ito na makakuha ng tulong sa iba, kaya’t mas mabilis siya tatagumpay pag dating sa pera.
May iba ring naniniwala na kapag may letter M sa palad ay maswerte na, dahil parang sumisimbolo itong letrang M ng ‘money’. Pero di lahat ay naniniwala dito.
Paano malalaman kung aling kamay gagamitin? Kadalasan daw na kanang kamay ang ginagamit para sa mga babae, at kaliwang kamay naman ang ginagamit sa mga lalake.
 
Babala: Wag iasa sa hula o prediksyon ang iyong kapalaran. Ang pinaka-mahalaga ay may pangarap tayo at may plano tayo kung paano ito maabot. Ang mahalaga ay gumagawa tayo ng hakbang at nagsisikap tayo para kumita at yumaman.
Base sa pagaaral ng mga eksperto, ang mga milyonaryo daw ay may iilang magandang katangian. Isa na rito ang madaling kumilos, at di nagaantay sa swerte o na may darating ang grasya. Halimbawa, kung may negosyo silang naisip, gumagawa na sila kaagad ng aksyon para maumpisahan ito, imbes na panay plano at pinapasabukas pa.