Nababahala dahil magfile daw ng civil case laban sa akin dahil sa utang

Naku, I am so sad to tell you. Napakarami pong mga lending investor sa HK na may mga ka-tie-up sa Pilipinas. Ang ginagawa nila, nagpapa-utang sila sa mga Pilipino na OFW sa HK, tapos, kapag hindi nakapag-bayad ang OFw, ipinapasa ng lending investor ang utang sa isang Pilipino company. At ang kumpanya sa Pilipinas ang magiging collection agent nila.

Ikinalulungkot ko ding sabihin sa inyo na harassment po talaga ang ginagamit ng mga collection agent para magbayad kayo. So, ipapa-hiya kayo talaga sa lahat ng social media, etc.

Hindi po malinaw sa akin kung dalawa kayo noong kaibigan ninyo na naka-pirma sa loan agreement. Kasi, sabi ninyo dalawa kayong nangutang. Ibig sabihin ba ninyo na dalawa kayong naka-pirma sa documento ng pagkaka-utang? Kasi, kung dalawa kayo, at may resibo ka sa pangalan mo na bayad mo na ang utang mo, puede mong hamunin ang lending investor na ikaw ay idemanda.

Hamunin mo sila kasi, kung dalawa kayong naka-pirma, at binayaran mo na ang iyong kalahati, wala na silang karapatan na ikaw ay habulin. Pero, kung ikaw lang ang nakapirma, puede mo pa rin silang hamunin. Kasi, malamang sa masyadong malaki ang interes na kanilang inilagay sa utang. Kasi sa HK, ang interest ay walang ceiling hind katulad dito sa Pilipinas, ang legal interest at 6% per annum.

So kung ikaw ay idedemanda nila, puedeng mapa-liit ang bayarin. Puede din naman na makipag-tulungan ka na lamang sa lending investor. Ibigay mo sa kanila ang address ng kaibigan mo para sila ang manignil sa kanya. Puede din na ikaw ang tumayong witness para sa lending investor laban sa iyong kaibigan.

Ang pinaka-maigi, komunsulta sa isang abogado. Puede kayong humingi ng payo sa Public Attorney's Office (PAO). Kapag hinarass ang iyong mga kamag-anak sa Pilipinas, papuntahin mo sila sa Public Attorney's Office. Kapag sinira ang puri mo sa social media, maghain ng demanda laban sa kanila sa NBI. Dapat ay maturuan ng aral ang mga lending investor na huwag mang-harass ng mga taong nagkaka-utang sa kanila. Kasi, labag po ito sa batas.

Maraming salamat po Atty. Hindi ko po sigurado kung magkanu ang interest ng lending company na yun sa HK. Regarding naman po sa pirmahan, sad to say ako lang po ang pumirma dahil sa sobrang tiwala sa kaibigan at sya ang tumayong reference para makautang ako sa bangko. Gayunpaman, wala namang obligasyon ang reference sa utang kaya parang saakin bumagsak lahat.

Nag try na din po ako mag email sa PAO to seek advice on legalities etc pero ang nareceive ko lang po sa kanila ay email na nagsasabing tutulungan ako regarding my queries if sakop sa indigent class.

Kung sakali pong idedemanda ako ng civil case gaya ng sinabi sa sulat nila - makukulong po ba ako? They also threatened to file travel ban po sa akin thru poea and nbi. Salamat po ulit sa magiging tugon.