Financer ng pera na ang collateral ay mga ATMs

Meron po akong legal matter na ikokonsult. Meron po akong financer ng pera na ang collateral ay mga ATMs. May 10% na tubo per month. Ako po ang acting na guarantor ng mga borrower sa opisinang pinapasukan ko. Karamihan po sa mga napapautang namin ay katrabaho. Ngayon po ang problema ay may ibang pinapautang na ako na ang kumukuha. Kumbaga nakikiride ako sa atm ng mga kasama ko ng di nila alam. Binabayaran ko to kada sahod. May times din po na nagbibigay ako ng hindi gumaganang atm para po makapagrenew sa financer ko at yun ang ginagamit kong pambayad sa mga di na kayang mabayaran ng sahod ko. Mahigit isang taon na po namin tong ginagawa ng financer ko ng bigla akong umamin na may mga nakuha ako since wala na po talaga akong maipambabayad. Kinuwenta nila ang utang ko kasama tubo at umabot ito ng 800k+. Nagkaroon kami ng kasulatan ng financer ko at nangako akong magbabayad. Binigyan nila ako ng almost 2 weeks na mabayaran ang buong halaga base na rin sa pangako ko. Sinabihan nila ako na wala silang pagsasabihang iba at di daw ako irereport sa mga kasamahan ko. Ang nangyari, chinat ni financer ang iba kong kasamahan at nalaman nila ang ginagawa ko. Ang ginawa ng iba, binlock ang mga atm nila at sinabihan akong di na sila magbabayad kahit may kulang pa sila dahil na rin sa nagawa ko. Hindi rin daw nila ako sasampahan ng kaso sa paggamit ng atm nila dahil naawa sila para sa mga anak ko. Ang sabi nila. Hahayaan nila akong makipagdeal sa financer ko mag isa. Ngayon po ,since may natitira pang atms sa financer ko, ang gusto nyang mangyari, kunin ang lahat ng mga sahod ng kasamahan ko at itapal sa utang ko. Ang ginawa ko para di ako mareport ay sinabihan ko na yung iba tungkol sa ksalanan ko at napag isipan nilang iblock na rin ang card nila. Ngayon po nalaman ng financer ko at sinabihan ako na sasampahan ako ng kaso. Ano po bang kasong maisasampa saken? At ano po ba ang procedure? Madadampot po ba ako agad ng pulis? Ano pong pwede o maaari kong pagdaanan?