May kinalaman ba sa scoliosis o rheumatoid arthritis ??

Gusto ko lang po malaman kung ano ang tawag sa nararamdaman ko. Habang ako ay nasa opisina, biglang pananakit sa likod ang aking naramdaman at pangangatog ng buong katawan sanhi upang mahirapan ako maglakad. Sinundo ako ng asawa ko at kinahapunan ay pumunta kami sa ospital, ang sabi naman ng dokotor ay maayos naman daw ang resulta at malamang ay pagod lamang. Makalipas ang ilang araw ay hindi nawawala ang pananakit ng aking kanang paa na kung saan nahihirapan akong iikot ito pero medyo nakakalakad naman ako. Makalipas pa ang ilang araw ay unti unti na kong nakakaramdam ng bahagyang pananakit ng mga daliri sa paa at matapos pa ang ilang araw ay sumunod naman ang pananakit ng pagitan ng aking hinlalaki at isa pang daliri sa aking kaliwang kamay. Sa tuwing paggising ko ay mas nararamdaman ko ang pananakit ng aking mga daliri sa kaliwang kamay at bahagyang paninigas din nito kasabay ng sa mga daliri ko sa paa. Mayroon akong bahagyang barado sa puso at thoracic dextroscoliosis, may kinalaman ba ito sa aking mga nararamdaman? Nung nagresearch naman ako parang tumutugma ito sa sintomas ng isang taong may rheumatoid arthriris? Paano ba mlulunasan ito kung kami ay sobrang kulang sa pinansyal?? Sana masagot po