my dati akong karelasyon at pinapadalhan ko siya ng pera..sabi naman niya noon m

Una sa lahat, kung kayo ay may relasyon, hindi masasabing ito ay utang. Kasi, kung may relasyon kayo, at kung kayo ay dating nagsasama, para kasing union without marriage iyon, nagsasama kayong parang mag-asawa kahit hindi kayo kasal. Nabubuhay kayo sa iisang tirahan at ang mga gastusin ay inyong pinaghahatian. Parang kasal nga kayo.
So, ang mag-asawa naman, kung mag-utangan, nakasulat iyang sa tubig, kasi nga, kapag kasal kayo, ang mga kita ninyo ay properties of the marriage. So, parang common fund iyon. At ang mga gastusin ay para sa benefit naman ng marriage. Parang ganoon ang nangyari sa inyo.
Kaya naman, kung wala kayong kasulatan na kung magkano ang ipapadala mo, kung magkano ang interes na babayaran niya, ano ang panghahawakan mo?
Kung may ATM account kayong dalawa at doon mo ipinadala ang pera, o kung direkta mong ipinadala ang pera sa account niya, paano mo mapapatunayan na hindi generosity ang nag-tulak sa iyo na magpadala ng pera? Na hindi love and care ang dahilan ng iyong pagpapadala ng pera? Na ito ay hindi suporta sa kanya sa mga oras na kailangan niya iyon?
Unless may proof ka na ang perang iyong ipinadala ay utang, hindi mo siya mapipilit na ibalik sa iyo ang ipinadala mo sa kanya. Ngayon, kung may mga email, text message o chat siya sa iyo, baka puede pa. Kasi, ang mga agreement naman ay puedeng hindi formal na may contract na naka-sulat, o naka-makinilya at notaryado. Proof is what you need. Kung may proof ka, well, puede mong singilin siya. Pag-uwi mo, puede mo siyang ipa-barangay.