PAANO MAWALA ANG BILBIL O PALIITIN ANG TIYAN? PAANO PUMAYAT NG MABILIS? MAGPAPAYAT MATANGGAL BILBIL

Medical Team
is a Medical expert in United States

Ikaw ba ay nahihiya at pilit itinatago ang taba? “Ang bilbil ay parang pagibig, pilitin mo man itago, lalabas at lalabas pa rin.”

Napakasarap sigurong isipan kung iisa lang sana ang paraan sa pagtanggal ng taba sa tiyan. Ngunit kahit ganito man ang ninanais natin, hindi ito ganun kadali. Maraming dahilan ang maaaring isaalang-alang kung bakit mataba ang ating tiyan. Halimbawa, maaaring dahil ito sa lahi o genetics, laki ng pangangatawan, mga ginagawang uri ng pag-eehersisyo, hormones, edad, kasarian at iba pa.

Maraming mga haka-haka at sabi-sabi kung ano ba pinakamabisang paraan upang magbawas ng timbang. Minsan, mayroon pa nga nagsasabi na maaaring magpapayat ng mabilisan ng walang kahirap hirap.

Mayroon namang iba na naniniwala na hindi naman importante magpaliit ng tiyan at di naman ito nakakasama. “Di bale nang malaki ang tiyan. Wag lang bata ang laman.” Ika nga.

Pero kahit ang totoong dahilan ng kagustuhan mong pumayat ay para talaga sa kagandahan ng iyong panlabas na itsura, maraming ibang mahalagang rason na may kinalaman sa iyong kalusugan, kung bakit kinakailangan mong magpaliit ng bilbil. Halimbawa, ang taba na naiipon sa tiyan ay may panganib na maging sanhi ng sakit sa puso, diabetes at iba pa.

Ano Gabay O Mga Hakbang Upang Mawala Ang Taba Ng Tiyan? Buti na lang at napatunayan ng mga dalubhasa na malaking naitutulong ng pagpapapayat ng kahit 10-20 pounds lang, dahil mabawasan nito ang panganib na magkaroon ng mga malalang karamdaman.

Ngunit dahil marami kang trabaho o gawain sa bahay, mahirap makahanap ng oras para mag-ehersisyo. Huwag mag-alala dahil mayroong iba pang mga paraan bukod sa pageehersisyo kung paano matanggal ang taba sa bilbil.

Narito ang ilan sa mga mabisang pantanggal ng taba o bilbil sa tiyan:

1.     Magkaroon Ng Wastong Tindig
Ang unang hakbang sa maliit na tiyan ay ang pagkakaroon ng proper posture. Sanayin na diretso ang likod habang nakatayo o nakaupo. Upang maaayos ang tindig habang nakaupo, siguraduhin na ang iyong mga paa ay palaging nakasagi sa sahig. Maglagay rin ng maliit na unan sa iyong likod upang matiyak na maayos ang iyong pagkakaupo. Pinapatibay ng tamang tindig ang iyong likod. Kapag ang pagkakaupo ay nakakuba, mas madaling sumakit ang likod, at mahihirapan ka mag-ehersisyo kapag may back pain. Dahil nakakatulong ang matibay na likod sa mga stomach exercises. Dagdag pa rito, ang diretsong tindig ay nakakatulong sa pagdaloy ng dugo sa katawan, lalo na sa likod at hita. At syempre dagdag pogi o ganda points din ang pagkakaroon ng magandang tindig.


2.     Ugaliing uminom ng tubig
Tumutulong sa pag-aalis ng mga toxins o dumi sa katawan ang pag-inom ng tubig na hindi bababa sa walong baso sa isang araw. Nakakatulong din ito sa pagbabawas ng timbang, lalo na sa may parteng tiyan ng katawan. Ugaliing uminom ng tubig bago kumain. Huwag uminom agad pagkatapos mananghalian o maghapunan. Maghintay ng 10-15 minuto tsaka ka uminom. Mabuti rin na wag sobrahan ang pag-inom ng alak dahil ang alkohol ay nagdudulot ng bloating o paglobo ng tiyan.


3.     Magbawas araw araw
Maganda ang naidudulot ng pagbabawas ng dumi araw-araw dahil naiiwasan nito ang hirap sa pagdumi, kabag at paglobo ng tiyan. Wag pigilan ang paglabas ng tae, sabi nga nila “Huwag pigilan ang pagdumi, dahil mamaya pera pa yan ng doktor”. Oo nga naman, baka mamaya mapaano kapa sa kakapigil mo.

Kapag hirap ka namang tumae, kumain ng mga pagkain na mayaman sa fiber, tulad ng mga gulay at prutas, upang lumambot ang dumi. Ugaliin rin ang regular na pag-inom ng isang malaking baso ng mainit-init na tubig tuwing pagkagising sa umaga upang mas madaling lumabas ang dumi.

4.     Iwasan ang mga processed foods
Iwasan ang pagkain ng mga instant at mga processed foods. Naglalaman ito ng mga preservatives na may mataas na content ng asin na nagdudulot ng bloating o paglobo ng tiyan. Nababawasan ng tubig ang bloating at nakakatulong ang fiber sa tamang pagtunaw ng mga kinain. Kumain lamang ng sapat at nguyain ng mabuti ang pagkain. Mas maganda kung hindi kukulangin sa 10 beses ito nguyain, bago lunukin. Kung hindi ito nanguya ng wasto, kakailangangin ng doble kayod magtrabaho ng tiyan upang matunawan. Humahantong ito sa kabag, bloating, at hindi pagkatunaw ng pagkain. Maghinay-hinay rin sa pagkain at huwag matakaw, dahil baka maimpatso. 

5.     Sapat Na Oras Ng Pagtulog
Alam niyo ba na nakadaragdag sa taba ng tiyan ang kakulangan ng oras ng tulog. Tumutulong sa pagkontrol ng mga stress hormones ang sapat na oras ng pagtulog. Kumukontrol din ito ng iyong gana sa pagkain at nagbibigay ito ng mas maraming enerhiya para sa mga pisikal na gawain at ehersisyo. Nakakatulong din ito upang mabawasan ang pananabik sa pagkain, kasama na ang mga matatamis. Kaya ang mga mahilig magpuyat dyan na hindi naman importante ang pinagpupuyatan, matulog ng maaga kung ayaw mong lumaki ang tiyan.


6.     Bawasan Ang Stress
Nagdudulot ng masamang epekto sa katawan ang stress. Ang pagtaas ng antas ng stress hormones sa katawan at nagreresulta sa pagtaas ng sugar at blood pressure at nakakawala ng gana sa pagkain. Naaapektuhan din ang mga thyroid glands at mga hormones, na tumutulong sa iyong metabolismo na kontrolin ang dami ng taba sa katawan. Mahalagang magbigay ng oras para sa pag-relax, ehersisyo, pamamasyal o paghahanap ng mga masasayang libangan upang mabawasan ang stress.


7.     Maglakad-lakad Paminsan-minsan
Ang brisk walking o mabilis na lakad ay isang mahusay at simpleng paraan sa pagtanggal ng bilbil sa tiyan. Kahit 30 minuto na paglalakad lamang ay nakapagpapabilis ng metabolismo at nakakasunog ng mga sobrang taba mula sa iyong tiyan at baywang.

8.     Iwasan Ang Mga Matatamis
Sa bawat pag inom ng isang basong fruit juice, mas maraming calories ang nadadagdag kaysa sa pagkain ng sariwang prutas. Kahit ang mga de-latang fruit juice na sinasabing naglalaman daw ng tunay na katas ng prutas, ay naglalaman din ng mataas na sugar content, pampalasa, at mga food coloring.

Oo, marami ang mahilig sa matatamis, at mahirap pigilan ang sarili sa pagkain ng cake at mga tsokolate. Ngunit pwede ka pa rin namang kumain ng mga cake na may mas mababang halo ng asukal o may artificial sweetener. Pag mahilig ka naman sa tsokolate, piliin ang dark chocolates, dahil mas mababa ang sugar content nito.

9.     Kumain ng masustansyang carbohydrates
Mabuti sa ating katawan ang mga carbohydrates dahil nagtataglay ito ng mga bitamina at mineral. Ngunit mahalaga rin na pumili ng mga pagkaing pagkukuhanan ng carbohydrates.

Halimbawa, may mataas na starch content ang naidudulot ng white bread, polished milk, pasta, pansit, mais, harina ng mais, patatas, at iba pa. Nagiging harina ang asukal kapag naibahagi na ito sa ating katawan. Maaaring manatili ito sa katawan bilang taba kapag sumobra na ang asukal sa katawan. Upang mawala ang taba sa tiyan, mas mabuting iwasan ang mga pagkaing ito.

Maaaring humanap na lamang ng alternatibong pagkain tulad ng brown bread at brown rice. Maaaring makatulong sa pagkawala ng taba ng tiyan ang brown rice, cereal fiber, at wheat bread. Ang mga ito ay puno ng fiber na hindi mabigat sa tyan kaya nagiging maayos ang iyong pakiramdam at hindi mo na kailangan pang kumain ng marami dahil madali ka lang mabusog.

10.  Pagkain o paginom ng Dairy Foods Araw-Araw
Nakakatulong sa pagbawaw ng taba sa bilbil ang pagkain o paginom ng mga dairy products tulad ng gatas, yogurt, buttermilk, at keso araw-araw. Mayroong calcium ang mga dairy products, na nakakapigil ng pagipon ng taba sa tiyan. Nakakabusog din ang pagkain ng mga dairy products, kaya maiiwasan mo na kumain ng marami.


11.     Paggamit Ng Mga Food Supplements Ng Balanse
Mahalaga para sa ating katawan ang B-complex at calcium. Pinapatibay nito ang mga good fats, o protective fats, sa iyong mga balakang at iyong tiyan. 

12.  Dagdagan ang paggamit Vitamin C
Nakakatulong ang vitamin C upang maibsan ang stress sa katawan na nagdudulot ng problema sa kalusugan. Ang mga prutas tulad ng orange, kalamansi, apog, paminta, broccoli, kale, kahel, at kiwi ay magandang pinagkukunan ng bitamina C at mineral tulad ng calcium, potassium, magnesium, at zinc. Tinutulungan ng vitamin C ang digestion at pinapanatiling normal ang presyon ng dugo. Ugaliing kumain ng kahit isang prutas na mayaman sa vitamin C araw-araw dahil ito ay mabuti sa katawan.

13.  Kumain Ng Mga Pagkaing Sagana Sa Protina
Ang pagkain ng protina ay nakakatulong upang mabawasan ang taba sa tiyan, dahil tinutulungan ng mga protina na pabilisin ang metabolismo at nababawasan ang madaling magutom. Ang inihurnong isda, nilagang manok, mga soy chunks, lentils, sprouts, at mushrooms sa iyong diyeta ay mga halimbawa ng mga pagkaing sagana sa protina.

Ang pagwala ng taba ng tiyan ay hindi lamang para bumuti ang hugis at porma ng katawan, kundi ito rin ay may mabuting maidudulot sa atin upang maiwasan ang peligrong dala ng mga sakit tulad ng diabetes, sakit sa puso, mataas na presyon at iba pa. Upang maiwasan ang mga sakit na ito, sikaping magkaroon ng isang healthy lifestyle o pagbabago sa pamumuhay. Gawing regular ang pag-eehersisyo, pagkain ng masusustansyang pagkain at umiwas sa mga iba’t ibang uri ng mga bisyo. Kinakailangan lang ng kaunting determinasyon upang maisakatuparan ang mga inaasahang mabuting pagbabago sa katawan.

About the author

Medical Team

Our medical team verify the medical accuracy of the articles you read on our site. U.S. trained General Practice Family Doctor. Has additional qualifications in ultrasound, emergency medicine, and traumatology.
Profession: Family Medicine
Private practice
United States , California , San Francisco

 

Reply as anonymous (Your real name and picture will not be seen)
The medical information contained in this section is not intended for treatment or prescription. It is used to complement, not replace, the communication between a patient and their physician. Reliance on any information provided by BuhayOFW or any medical experts is solely at your own risk. If you have a medical emergency, call your doctor or go to the hospital immediately. BuhayOFW's Medical Review Board is a team of board-certified doctors who ensure our content is medically accurate and reflects the latest in health information. Our experienced board of medical professionals verify that our content is thorough and all-inclusive, in order that you can trust the information you read here will help you through improvements in your health journey—whether that’s for yourself or for a loved one.